Կյանքում լինում են իրավիճակներ, երբ տեղի են ունենում բացարձակապես անսպասելի երևույթներ՝ ջրհեղեղներ, հրդեհներ, կամ պարզապես ամառային օրվա հորդառատ անձրև: Նույնիսկ այն ժամանակ, երբ զույգն օգտագործում է բեղմնականխման փորձված միջոցները, օրինակ՝ պահպանակները, միևնույն է, որոշ չափով կա վտանգ (օրինակ՝ պահպանակը կարող է պատռվել): Նման դեպքերի համար գոյություն ունի ևս մեկ միջոց, որը կարող է օգնել կանխել չպլանավորված հղիությունը: Այն կոչում են տարբեր ձևերով.

Վերջին անվանումից ելնելով, կարելի է հասկանալ, որ այս մեթոդը կարող է կիրառվել միայն բացառիկ դեպքերում. օրինակ, եթե

• տեղի է ունեցել չպաշտպանված սեռական հարաբերություն (առանց պահպանակի կամ այլ բեղմնականխման մեթոդի),
• կասկածներ կան հակաբեղմնավորման մեթոդի արդյունավետության վերաբերյալ (պահպանակը պատռվել է, կիրառվել են ոչ հուսալի մեթոդներ՝ «օրացուցային» մեթոդ, ընդհատված սեռական հարաբերություն, կամ տեղի է ունեցել երկու և ավելի հորմոնալ դեղահաբերի ընդունման բացթողում),
• տեղի է ունեցել բռնաբարություն:

Հորմոնների այդպիսի բարձր դոզան լուրջ հորմոնալ «հարված» է հասցնում օրգանիզմին: Դեղահաբն ընդունելիս հնարավոր է սրտխառնոց, փսխում, ծանրության զգացում կրծքագեղձերում: Հետևաբար, այս մեթոդը կարելի է օգտագործել միայն ծայրահեղ դեպքերում: Իսկ քանի որ այդ հաբերը լուրջ փորձություն են օրգանիզմի համար, բժշկի հսկողությունը պարտադիր է (վերջապես մտածիր քո առողջության մասին):

Հասկանալի է, որ ամեն անգամ սեռական հարաբերություններից հետո «հրատապ» բեղմնականխում օգտագործելը նպատակահարմար չէ: Դրանով դու կարող ես միայն վնասել քո օրգանիզմին, որի վերականգնումը երկար ժամանակ կպահանջի: Այդուհանդերձ, այս մեթոդն ավելի նախընտրելի է, քան հղիության ընդհատումը, երբ կնոջ օրգանիզմն արդեն սկսել է նախապատրաստվել երեխայի զարգացման համար:

Ի դեպ, անհրաժեշտ է դիմել բուժօգնության, եթե`

• կան ցավեր որովայնի շրջանում
• հերթական դաշտանը անսովոր բնույթ ունի
• հերթական դաշտանը ուշացել է 10 և ավելի օր. կա հղիության կասկած:

Ամփոփում ենք արդյունքները: Չնայած սուր զգացմունքներին ու մոլեգնող կրքերին, աշխատեք զգույշ լինել, որպեսզի կարիք չունենաք դիմելու հակաբեղմնավորման «հրատապ» օգնությանը: Իսկ եթե դա պատահել է, ապա ԱՆՊԱՅՄԱՆ դիմեք մասնագետի:

Մի մոռացեք, որ այս մեթոդը չի պաշտպանում սեռական ճանապարհով փոխանցվող վարակներից:

Կարդացեք նաև

Յուրովի մոտեցում

Մեր օրերում գիտնականները ստեղծել են բեղմնականխման բազմաթիվ մեթոդներ, իսկ դա նշանակում է, որ բոլորը հնարավորություն ունեն ընտրելու ամենահարմար տարբերակը: Այնուամենայնիվ, մեզ շարունակում են հետաքրքել ավելի «բնական» միջոցները: Եկեք քննարկենք խնդիրը մանրամասնորեն:

ավելին →

Բարի հորմոններ

«Հորմոններ», «հորմոնալ» բառերը երբեմն երիտասարդների երևակայության մեջ առաջացնում են «մորուքավոր» կանանց կամ բարձր ձայն ունեցող տղամարդկանց տարօրինակ կրկեսային կերպարներ: Որպեսզի «բեղմնականխման հորմոնալ մեթոդներ» բառերը չվախեցնեն քեզ, կարդա այս հոդվածը:

ավելին →

Այն, ինչի մասին չես ուզում խոսել…

Դու գիտե՞ս, որ բռնություն է համարվում նաև այն գործողությունները, երբ նույնիսկ չկա կոպիտ ուժի կիրառում, ինչպես օրինակ` վիրավորական մեկնաբանությունները, նաև որոշակի բնույթի ակնարկները, հայացքները և հեռախոսազանգերը….

ավելին →

Հուսալիորեն պաշտպանված

Արդյոք գիտե՞ք, թե ինչին են ասում «անգլիական գլխանոց» Ֆրանսիայում, «ձեռնոց» Իտալիայում, «Վեներայի շապիկ» Պորտուգալիայում, «պարկ» Ճապոնիայում, «գլխարկ» Պանամայում, «զրահաբաճկոն» Հոնկոնգում և «հովանոց» Հարավային Կորեայում:

ավելին →