Մեկ գումարած մեկ հավասար է երե՞ք: Մաթեմատիկորեն, սա սխալ է: Բայց կյանքում հենց այդպես էլ լինում է: Սիրահար զույգը՝ երկար ժամանակ անցկացնելով միասին, հանկարծ բացահայտում է, որ իրենց մերձեցման հետևանքով լույս աշխարհ է գալու նոր մարդ` իրենց երեխան:

Ոմանց համար դա կլինի երկար սպասված նորություն, մյուսները նման իրադարձությունների զարգացմանը բոլորովին պատրաստ չեն լինի: Ավելորդ հուզմունքից խուսափելու և խուճապի չմատնվելու համար` հստակեցնենք այն նախանշանները, որոնք կարող են վկայել կամ ժխտել հղիության առկայությունը:

Եթե ​​կա հղիության կասկած, ապա անհրաժեշտ է ուշադրություն դարձնել աղջկա օրգանիզմում որոշ փոփոխությունների, որոնք կարող են լինել հղիության նախանշաններ.

• դաշտանի ուշացում կամ ժամանակին, բայց նոսր դաշտան,
• «վաղ տոքսիկոզի» նշաններ (սրտխառնոց, փսխում, հատկապես առավոտյան, գերզգայունություն հոտերի նկատմամբ և այլն),
• ախորժակի փոփոխություն,
• կրծքագեղձերի մեծացում, ծանրության զգացում,
• տրամադրության հաճախակի փոփոխություններ (հուզականություն, դյուրազգացություն) և հոգնածություն:

Նույնիսկ եթե բոլոր թվարկած նախանշանները առկա են, դա դեռ չի նշանակում, որ աղջիկը հղի է: Հետևյալ եղանակներով հնարավոր է առավել ստույգ որոշել հղիության առկայությունը.

• հղիության թեստի (այն ազատ վաճառվում է դեղատներում) օգնությամբ՝ սկսած դաշտանի ուշացման 3-5-րդ օրվանից: Թեստի կիրառումը հեշտ է, քանի որ դրան անպայման կցվում է ուղեցույց:
• ուլտրաձայնային հետազոտության միջոցով (ՈւՁՀ) դաշտանի ուշացումից 1,5-2 շաբաթ հետո,
• գինեկոլոգիական զննման միջոցով` դաշտանի ուշացումից 2 և ավելի շաբաթ հետո:

Բժիշկը կորոշի հղիության ժամկետը, որը հաշվարկվում է շաբաթներով՝ սկսած վերջին դաշտանի առաջին օրվանից:

Հիանալի կլինի, եթե աղջիկը սպասի այդ ուրախալի լուրին: Այս դեպքում բժիշկը խորհուրդ կտա գրանցվել տեղամասային պոլիկլինիկայում՝ բժիշկների կողմից հղիության ընթացքը հսկելու և անհրաժեշտության դեպքում օգնություն ցուցաբերելու նպատակով:

Իսկ եթե հղիության մասին լուրը հակասական զգացմունքներ է առաջացնում, և զույգը պատրաստ չէ հղիության մասին որոշում կայացնել, անհրաժեշտ է խորհրդակցել հարազատների հետ, ինչպես նաև ընտանիքի պլանավորման կենտրոնների կամ այլ կլինիկաների բժիշկների հետ: Մոտակա կլինիկան կարելի է գտնել այստեղ:

Կարդացեք նաև

Ընտանիքի պլանավորում

Քո պատկերացմամբ ի՞նչ է նշանակում «ընտանիքի պլանավորում»: Յուրաքանչյուրս յուրովի ենք հասկանում այդ արտահայտությունը: Ոմանք մտածում են կրթության և աշխատանքային հաջողությունների մասին, ինչ-որ մեկը`բնակարանի կամ մեքենայի վարկի մասին: Մյուսները խոսում են մտերիմ հարաբերությունների և երեխաներ ունենալու մասին: Իսկ ի՞նչ է դա իրականում:

ավելին →

Մի՞թե սա չէ երջանկությունը

«Ես հղի եմ...» Միտք, որից հետո դժվար է հանգստություն պահպանել: Վազել ու հայտնել մտերիմներին ուրախ լուրը, թե՞ թաքնվել մի անկյունում և լաց լինել: Այս հոդվածն այն մասին է, թե ինչ պետք է անել և ինչից խուսափել նման իրավիճակում:

ավելին →

Յուրահատուկ իրավիճակում

Հղիությունն աշխարհում ամենազարմանալի և հակասական երևույթներից մեկն է, որը կարող է ինչպես անսահման ուրախություն պարգևել և լցնել կյանքը իմաստով, այնպես էլ ստիպել հաղթահարել դժվար խնդիրները …

ավելին →

Հետևողական հայացք մարմնին (աղջիկների համար)

Գուցե դու արդեն հասցրել ես հարմարվել քո մարմնի փոփոխություններին, գուցե արդեն գիտես նաև օրացույցում նշված ‹‹կարմիր›› օրերի մասին: Սակայն խոստովանի՛ր, մտածե՞լ ես, թե ի՞նչ է կատարվում քո օրգանիզմում, և ինչու՞ է ամեն ինչ հենց այդպես ստեղծվել:

ավելին →