Ինչպես օրվա տևողությունը երկարացնել 4 ժամով կամ վաղ առավոտյան արթնանալու մի քանի պատճառ

«Ոչ մի կերպ չեմ կարողանում հագենալ քնից», «Ժամանակը չի հերիքում անհրաժեշտ գործերն անելու համար», «Ես նորից քնով եմ անցել», «Ես ինձ շատ հոգնած և թույլ եմ զգում». ծանոթ արտահայտություննե՞ր են: Գերծանրաբեռնվածությունը մեր ժամանակների ամենատարածված խնդիրներից է: Եթե ուզում ես իմանալ՝ ինչպես պայքարել դրա դեմ, ապա կարդա այս նյութը:

Եթե նկատել ես, մշտական հոգնածությունը հատուկ է ոչ միայն գործարարներին, մեծ ընկերությունների սեփականատերերին կամ հագեցած գրաֆիկով աշխատող մարդկանց: Ուստի, եթե հասկացել ես, որ

դպրոցը, ընկերների հետ շփվելը, արտադասարանական պարապմունքները կամ սիրած զբաղմունքը դարձել են հոգնեցուցիչ,
օրդ անհաջող է սկսվել, արթնացել ես ժամը 8:00-ին՝ հասկանալով, որ նորից քնով ես անցել և միայն ատամները լվալու և առաջին պատահած հագուստը հագնելու ժամանակ ունես,
օրն ավարտվում է կեսգիշերն անց՝ ժամը 3⁰⁰-ին, երբ դեռևս փորձում ես այս կամ այն թեմայով շարադրություն գրել,
արտաքին տեսքդ և վարքդ փոխվել են, ծուլացել ես, աչքերիդ տակ պարկեր են հայտնվել, միշտ նյարդային ես ու ագրեսիվ, ունես վատ ինքնազգացողություն և ոչինչ չես ուզում անել:

Սրանք օրվա ռեժիմը փոխելու անհրաժեշտության առաջին ազդանշաններն են:

Որոնք են «արտույտի» կյանք վարելու առավելությունները

Այս ռեժիմի միակ պայմանը վաղ քնելն ու վաղ արթնանալն է (օրինակ՝ 21:00-4:00): «Դա անհնար է» կասես դու, կամ «Այդ դեպքում ինչպե՞ս կհասցնեմ գործերս»: Շատ պարզ. իրականում վաղ առավոտյան կատարած աշխատանքը ավելի արդյունավետ է: Հանգստանալուց հետո՝ առավոտյան թարմ ուղեղով տնային հանձնարարություններդ ավելի արագ ու որակով կանես: Առավոտյան ժամերին քիչ են անհանգստացնող և ուշադրությունը շեղող գործոնները՝ ընկերների հետ նամակագրությունը, հեռուստացույցը, սոցիալական ցանցերի ծանուցումները:

Նույնիսկ առավոտյան վազքի ու պատշաճ նախաճաշելու ժամանակ կունենաս, առույգ և լիարժեք կսկսես օրդ:

Ի՞նչ այլ առավելություններ ունի այս ռեժիմը

Դրանք բազմաթիվ են, սակայն կնշենք ամենակարևորները.

Նախ, առողջ մաշկի, մազերի, եղունգների և մի շարք կարևոր գործընթացների համար պատասխանատու հորմոններ արտադրվում են հենց ժամը 21⁰⁰ -ից 02⁰⁰ -ն ընկած ժամանակահատվածում, ուստի, օրգանիզմն այդ ժամերին պետք է առավելագույն հանգիստ վիճակում լինի:
Ուշ ժամերին չի առաջանա ուտելու ցանկություն, ինչը նպաստում է ավելորդ քաշի կուտակմանը:
Քունն ավելի արդյունավետ է մինչև կեսգիշեր, այդ իսկ պատճառով ժամը 9:30-ից մինչև 4 -ը մարդիկ ավելի լավ են քնում, քան 3-ից 10-ը: Իսկ օրվա ընթացքում ավելի առույգ են լինում և լավ ինքնազգացողություն են ունենում:

Սկզբում այս ամենը քեզ անհավատալի կթվա, սակայն, հանուն նշված առավելությունների՝ արժե փոխել սովորական դարձած կյանքի ռիթմը:

Նկարի համար շնորհակալություն այս աղբյուրին, անիմացիայի համար` այս:

Հոդվածի կազմող` Օրինա Կուրիլկո:

Ինչպես օրվա տևողությունը երկարացնել 4 ժամով կամ վաղ առավոտյան արթնանալու մի քանի պատճառ

Որոնք են «արտույտի» կյանք վարելու առավելությունները

­

Ի՞նչ այլ առավելություններ ունի այս ռեժիմը

Կարդացեք նաև

Անակնկալ նվերների գաղափարներ Վալենտինի օրվա կապակցությամբ

Մի քանի փաստ, որ կստիպեն քեզ թողնել ծխելը

Ինչպես հասնել հաջողության

Օրվա ռեժիմ, քուն և առողջություն