Ցանկացած տեսակի ճնշման դեպքում միշտ կարող ես դուրս գալ իրավիճակից` առանց ինքնավստահությունը կորցնելու և առանց ենթարկվելու կամ համաձայնվելու ուրիշների կասկածելի և բոլորովին քեզ չհետաքրքրող առաջարկներին:

• Առաջին հերթին վստահի՛ր քո նրբազգացողությանը (ինտուիցիային): Եթե ընկերները քեզ ներքաշում են մի իրավիճակի մեջ, որն առաջացնում է անհանգստություն կամ անհարմարություն, ուրեմն, պետք է անմիջապես հրաժարվել և ռիսկի չդիմել:

• Հանգիստ դու՛րս արի ճնշման շրջանակից: Եթե քեզ դուր չի գալիս այն, ինչ կատարվում է, օրինակ` քո ծանոթի մասին տհաճ խոսակցությունները կամ ինչ-որ կասկածելի գործի պլանավորումը, պարզապես հեռացիր: Վստահ ասա «ո´չ, սա ինձ համար չէ» կամ մի պատճառ գտիր, պատասխանելով, որ տրամադրություն չունես կամ շատ զբաղված ես:

• Մի՛ քաշվիր հարցեր տալուց, պարզաբանումներ պահանջելուց, որպեսզի հասկանաս, թե ինչ եք պլանավորում անել: Այն պատասխանը, որ կլսես, կօգնի քեզ կողմնորոշվել, թե իրականում դա քեզ պե՞տք է, արժե՞ միանալ այս խմբին: Եթե ընկերներդ նորմալ պատասխան չեն տալիս, բան են թաքցնում, ուրեմն պետք էլ չի դիմել ռիսկի:

• Նախապես պատրաստվիր, մտածիր պատասխանների մի քանի տարբերակներ, թե ինչ կասես և ինչպես քեզ կպահես, եթե օրինակ, երեկույթի ժամանակ կամ ընկերների խմբի կողմից քեզ կառաջարկեն ծխել, փորձել թմրամիջոց կամ ալկոհոլային խմիչք:

• Երբ ասում ես «ո՛չ», քեզ մեղավոր մի՛ զգա: Եթե կո կողքին իրական ընկերներ են, նրանք լրացուցիչ պատճառաբանության կարիք չեն ունենա: Իսկ եթե ինչ-որ մեկը շատ է զզվացնում, միշտ կարող ես պատճառ գտնել, օրինակ` դեղ ես խմում կամ վաղը պարապմունքի ես, կամ ստուգողական ունես, կամ պետք է գնաս բժշկի: Կարելի է նաև ծնողների անունով քողարկվել. «..եթե հոտը զգան, ինձ կսպանեն»: Կամ կարելի է պարզապես քաղաքավարի, բայց վստահ ասել «ո´չ, ես չեմ ուզում»: («Ոչ» ասելու մասին կարդա այստեղ):

• Մի՛ արդարացիր: Քո մերժումը քո իրավունքն է, միայն դու ես քո մարմնի և արարքների տերը, և թո՛ղ շրջապատողները զգան քո վստահությունը:

• Նախապես մտածիր դուրս պրծնելու ճանապարհը այն դեպքերի համար, երբ որոշես լքել քո համառ ընկերներին և հեռանալ:

• Եթե իրավիճակը դառնում է սպառնացող, և դու զգում ես, որ միայնակ չես կարող դուրս պրծնել, ապա առանց երկար մտածելու դիմի՛ր մեծահասկաների օգնության:

Քո իսկական ընկերները քեզ ընդունում են այնպես, ինչպիսին դու կաս: Երբ դու դիմադրում ես ճնշմանը և ընդունում ես անկախ որոշումներ, դու օգնում ես ոչ միայն ինքդ քեզ, այլ նաև ուրիշներին ես օրինակ ծառայում և ապացուցում, որ հրաժարվել միշտ հնարավոր է: Արդյունքում քեզ ավելի շատ կհարգեն, սա ապացուցված փաստ է:

Նկարները վերցվել են այստեղ` (с)prudkov/ Shutterstock:

Կարդացեք նաև

Ինչպես դառնալ ավելի ինքնավստահ

Շատ երիտասարդներ բողոքում են, որ չափազանց ամաչկոտ են, երկչոտ և կուզենային լինել ավելի ինքնավստահ: Իրականում, վստահություն կարելի է ձեռք բերել ինչպես փորձի, այնպես էլ որոշ հոգեբանական հնարքների միջոցով: Իսկ թե ինչպե՞ս, կարդա մեր հոդվածում:

ավելին →

Ինչպես սովորել սիրել սեփական մարմինը (մաս 1)

Բավականին մեծ թվով մարդիկ ունեն տարատեսակ բարդույթներ և ամաչում են սեփական արտաքինից: Հատկապես դեռահասներն երբեմն ճիշտ չեն ընկալում սեփական մարմինը և քաշվում են, օրինակ բաց կամ սպորտային հագուստ, հատկապես` լողազգեստ հագնելուց: Որտեղի՞ց է գալիս այդ վախը, ինչպե՞ս ազատվել ավելորդ ամաչկոտությունից և ձեռք բերել ինքնավստահություն: Կարդա՛ այս հոդվածում:

ավելին →

Ինչպես սովորել սիրել սեփական մարմինը (մաս 2)

Բավականին մեծ թվով մարդիկ ունեն տարատեսակ բարդույթներ և ամաչում են սեփական արտաքինից: Ինչպե՞ս ազատվել ավելորդ ամաչկոտությունից և ձեռք բերել ինքնավստահություն: Շարունակենք խոսել սեփական մարմինը սիրելու և ընդունելու մասին:

ավելին →

Ինչպես լավացնել ուշադրության կենտրոնացումը

Հաճախ լսում ես բողոքներ, թե «ես չեմ կարողանում կենտրոնանալ և երկար պահպանել ուշադրությունը, երբ դասեր եմ անում, հաճախ ցրված եմ, լավ չեմ ընկալում, քանի որ ուղեղս այլ թեմաների շուրջ է մտածում, մեծ դժվարությամբ եմ կարողանում դասերս սովորել և հիշել...» Փորձենք հասկանալ, թե ինչպես կարող ենք լավացնել կենտրոնանալու կարողությունը:

ավելին →