Լավագույնը հարաբերությունների և սիրո մասին: Ռեալ ժամանակի պայմաններում:

Հատուկ հանգամանքներ

«Նման բան ինձ հետ չի պատահի» հաճախ մտածում են երիտասարդ աղջիկները չպլանավորված հղիության մասին և ակամա հայտնվում են նման «իրավիճակում»: Ընդ որում, ինչպես ցույց են տալիս ուսումնասիրությունները, աղջիկների և տղաների կեսից ավելին երբեք չեն մտածում այս հարցի շուրջ, թեև երեխայի ծնունդը կարող է ամբողջովին փոխել իրենց կյանքի ընթացքը:
Աշխարհում տարեկան շուրջ 70 000 դեռահաս մայրեր տառապում են հղիության տարբեր բարդություններից` օրգանիզմի մայրանալուն պատրաստ չլինելու պատճառով: Ըստ Առողջապահության համաշխարհային կազմակերպության (ԱՀԿ) գնահատականի՝ ծննդաբերության ժամանակ մահվան ռիսկը 2 անգամ ավելի բարձր է 15-19 տարեկան կանանց շրջանում, համեմատած 20-24 տարեկանների հետ: Երիտասարդ մայրերի մոտ հաճախ տեղի է ունենում վաղաժամ ծննդաբերություն, և նրանց երեխաները ավելի հաճախ են հիվանդանում:

Երեխաները պահանջում են ժամանակ և ուշադրություն, ոչ թե պարբերաբար, այլ՝ միշտ, և նրանք չեն կարող սպասել, մինչ մայրը կավարտի այլ կարևոր գործեր: Երեխաներին պետք է կերակրել, լողացնել, օրորել, փոխել  տակդիրները… Արդյո՞ք պատրաստ եք այս հոգսը տանել՝ հրաժարվելով սովորական գործունեությունից, գիշերները չքնել, ապրել «երեխայի ժամացույցով»: Ի՞նչն է գերակշռող. երեխայի պատճառած ուրախությո՞ւնը, թե՞ այն զայրույթը, որ ստիպված ես նստել չորս պատերի մեջ երեխային խնամելու պատճառով: Արդյո՞ք կկարողանաս հաղթահարել անսովոր ծանրաբեռնվածությունը, թե՞ կփորձես հնարավորինս շուտ ողջ պատասխանատվությունը փոխանցել ուրիշին: Սա մտածելու տեղիք է տալիս:

154017705_083d825445

Հղիությունն ու երեխայի լույս աշխարհ գալը կարող է արմատապես փոխել երիտասարդ մայրիկի ապագայի պլանները՝ կապված ուսման և աշխատանքի հետ: Դպրոցական և ուսանող տարիքի աղջիկներին հաճախ չի հաջողվում վերսկսել և ավարտել ուսումը, որն ընդհատվել էր երեխային խնամելու նպատակով: Այդ իսկ պատճառով պակասում են հետաքրքիր և լավ վարձատրվող աշխատանք գտնելու հնարավորությունները:

Աղջիկների մի մասը որոշում է երեխա ունենալ, որպեսզի ամրապնդեն հարաբերությունները զուգընկերոջ հետ: Բայց դա հազվադեպ է գործում. 10 զույգից միայն 2-ն են օրինականացնում հարաբերությունները, իսկ տղաների մեծամասնությանը երեխա ունենալու նորությունը բոլորովին չի ուրախացնում, այլ հակառակ ազդեցություն է ունենում: Եթե նույնիսկ հարաբերություններն ամրապնդվել են նման կերպ, ապա երջանկությունը և երկարատև ամուսնությունը երաշխավորված չէ:

«Շատ ավելի հեշտ է դառնալ հայրիկ, քան մնալ հայր»:

Վ.Օ. Կլյուչևսկի, ռուս պատմաբան