1. Ազատություն և ազատ ժամանակ

Չնայած դու չունես քո երկրորդ կեսը, բայց ունես լրիվ ազատություն, այն իմաստով, որ կարող ես վարվել այնպես, ինչպես ցանկանում ես: Կարող ես շատ ժամանակ անցկացնել ընկերների հետ, զվարճանալ, քարտ խաղալ, հանկարծակի մի տեղ ուղևորվել (գնալ արշավ կամ պարզապես քաղաքից դուրս), զբաղվել քո սիրած գործերով, խելքդ տալ սովորելուն (կամ աշխատանքին): Մի խոսքով, անել այն ամենը, ինչ ինքդ ես ուզում, առանց մտածելու, թե քեզ մեկը սպասում է և պահանջում է քո ուշադրությունն ու հոգատարությունը կամ նվերներ Սուրբ Վալենտինի օրվա առիթով:

Բացի այդ, դու կարիք չունես ջանք գործադրել` համապատասխան տեսք ունենալու համար, ուզո՞ւմ ես հագնել քո սիրած հին բոթասները կամ մնալ առանց մազերը հարդարելու, քո իրավունքն է, ոչ մեկ թարս չի նայի:  Իսկ եթե վաղուց ուզում էիր փորձարկումներ անել քո արտաքինի հետ, իսկական ժամանակն է փոփոխությունների համար` փոխիր իմիջը, փորձիր այլ ոճեր:

2. Հոբբի կամ ինչի հակում ունես

Եթե դեռ չունես որևէ զբաղմունք կամ հետաքրքրություն, ժամանակն է մտածելու, թե ինչ է քեզ դուր գալիս, օգնում լիցքաթափվել և հանգստանալ, ինչի օգնությամբ կարող ես արտահայտել քո զգացմուքները: Ասեղնագործությունը քոնը չէ՞: Ուրեմն փնտրիր այն զբաղմունքը, որը քեզ դրական լիցքեր կհաղորդի, որով կկարողանաս հպարտանալ, հաճույքով անցկացնել քո ազատ ժամանակը` հաշվի չառնելով հոգնածությունը կամ այլ հանգամանքներ:

Իրականում հետաքրքրված մարդը շատ գրավիչ է, նա դեպի իրեն է ձգում է մարդկանց: Համաձայնվիր, որ հետաքրքրված մարդու հետ, ով զբաղված է իր սիրած գործով, շատ հետաքրքիր է շփվել և ընկերություն անել:

3. Նոր ծանոթություններ

Եվ իհարկե, մշտական հարաբերությունների բացակայությունը թույլ է տալիս նոր ծանոթություններ հաստատել և տարբեր մարդկանց հետ շփվել: Եվ ոչ ոք դեմ չի լինի և չի խանդի, երբ ծանոթանաս նոր մարդկանց հետ, շփվես գրավիչ աղջկա կամ երիտասարդի հետ: Բնականաբար, եթե քո երթուղին միշտ նույնն է «տուն – դասեր- տուն», նոր ծանոթություններ հաստատել դժվար կլինի…. Ուրեմն.

• փոխիր քո սովորական երթուղին, չէ որ ցանկացած վայր կարելի է հասնել տարբեր ճանապարհներով,
• սկսիր այցելել որևէ դասընթացների, վարպետության դասերի,
• միացիր երիտասարդական հավաքներին, այլ հետաքրքիր միջոցառումներին,
• կամ պարզապես զբոսնիր քաղաքի տարբեր գեղեցիկ վայրերում… Դու հիշում ես չէ՞, որ լրիվ ազատ ես:

Նոր ծանոթությունների ժամանակ աշխատիր բաց լինել, խոսել քո մասին և պատմել հետաքրքիր բաներ: Բայց նաև հետաքրքրություն ցուցաբերիր քո նոր ծանոթների կյանքի և զբաղմունքների նկատմամբ: Երբեմն անհրաժեշտ է մի կողմ դնել սեփական ամաչկոտությունը և անել առաջին քայլը` ինչ-որ մեկի հետ ծանոթանալու համար: Իսկ թե կդառնան այս նոր ծանոթները ընկերներ, թե քո համար կարևոր մարդիկ` բոլորովին պարտադիր չէ և կախված է շատ հանգամանքներից: Բայց բոլոր դեպքերում շփման փորձը հաստատ օգտակար կլինի:

4. Ինքնավերլուծություն

Դու ունես երազանքներ, բայց դրանք կոնկրետ չեն, և հասկանալի չէ, թե ինչպե՞ս իրականում այդ նպատակներին հասնել: Քեզ տրամադրած ժամանակը հրաշալի շանս է քո համար առաջնայնություններ որոշելու և նպատակներ դնելու համար: Իսկ թե ինչպե՞ս դա անել ճիշտ ձևով: Ամեն ինչի պատասխանը կարող ես գտնել համացանցում:

Ավելորդ չէ, ի դեպ, որոշել, թե ինչպիսի՞ն ես դու տեսնում քո ապագա հարաբերությունները: Ի՞նչ տեսակի մարդու ես տեսնում քո կողքին: Հստակ պատկերացումը կօգնի քեզ ավելի լավ կողմնորոշվել մարդկանց մեջ: Ծանոթանալով նոր մարդու հետ` ձեր հարաբերությունների սկզբից դու կկարողանաս հասկանալ, արդյո՞ք համապատասխանում եք իրար, համընկնո՞ւմ են ձեր տեսակետները հարաբերությունների և առհասարակ կյանքի վերաբերյալ: Այսպիսի ինքնավերլուծությունը կօգնի խուսափել շատ սխալներից և հիասթափություններից և ապագայում կառուցել ներդաշնակ հարաբերություններ:

5. Զգացմունքների ազատություն

Սպասել զանգի կամ ժամադրության… մշտական ուշադրության կամ հոգատարության պահանջ, խանդ, սեփական և ձեր հարաբերությունների վերաբերյալ ապրումներ. այդ ամենը նման է կախվածության` ուրիշ մարդուց, նրա վարքագծից կամ նրա գործողություններից: Եվ ինչքան լավ է, երբ դա չկա: Եվ դու կարող ես քեզ թույլ տալ մեկ այլ մարդու նկատմամբ համակրանք դրսևորել,  թեկուզ և կարճ ժամանակով: Իսկ հետո փոխել քո ճաշակը և համակրել մեկ ուրիշին: Բայց նման կարճ հարաբերություններում կարևոր է չխոցել ուրիշ մարդու կամ քո սեփական սիրտը և չկորցնել ինքդ քեզ:

Լուրջ հարաբերությունները որոշ առումով պարտավորեցնող են: Չէ՞ որ կոնֆետների և ծաղկեփնջերի փուլից հետո, երբ մարդիկ սիրահարված են և տեսնում են միայն դրականը, գալիս է մի փուլ, որ պահանջում է մշտական աշխատանք ինքդ քո վրա: Պետք է սովորել միմյանց, համակերպվել, երբեմն` զիջել, կոմպրոմիսների գնալ: Եվ միշտ չէ, որ դա տրվում է հեշտ և հարթ: Ուրեմն պետք է ուրախանալ, որ այս պահին անհրաժեշտություն չկա զիջումների գնալ և ջանասեր լինել, այլ կարելի է վայելել ազատությունը:

Իհարկե, թվարկածները բոլոր դրական կողմերը չեն, դրանք ավելի շատ են: Եթե նշվածը քեզ չի բավարարում, կարող ես վերցնել թուղթ կամ ստեղծել Word-ի ֆայլ և գրի առնել քո բոլոր մտքերը սրա վերաբերյալ: Իսկ քո բացահայտումների մասին կարող ես գրել մեզ Ֆեյսբուքով: Եկե′ք ամեն ինչի մեջ տեսնենք դրականը միասին:

Շնորհակալությոյն այս աղբյուրին նկարի համար:

Հոդվածի կազմող` Վերտոլա Սվետլանա:

Կարդացեք նաև

Ինչպես դառնալ ավելի ինքնավստահ

Շատ երիտասարդներ բողոքում են, որ չափազանց ամաչկոտ են, երկչոտ և կուզենային լինել ավելի ինքնավստահ: Իրականում, վստահություն կարելի է ձեռք բերել ինչպես փորձի, այնպես էլ որոշ հոգեբանական հնարքների միջոցով: Իսկ թե ինչպե՞ս, կարդա մեր հոդվածում:

ավելին →

Ամառ. ինչպե՞ս այն անցկացնել առանց հիվանդությունների

Վերջապես եկավ ամառը: Դու շատ երկար սպասում էիր ամառային արձակուրդներին, անհամբեր հաշվելով օրերը, և ահա՛, արդեն հունիս ամիսն է: Ինչպե՞ս անցկացնել ամառը, որպեսզի մի լավ հանգստանաս և միևնույն ժամանակ` չհիվանդանաս:

ավելին →

Ինչպես ուրախացնել մտերիմ մարդուն` հենց այնպես, առանց առիթի

Կիսվում ենք մտերիմներին ուրախացնելու ու զարմացնելու մի քանի հետաքրքիր գաղափարներով: Այդ բոլոր գաղափարները նվազագույն ֆինանսական միջոցներ են պահանջում և հարմար են ինչպես տղաների, այնպես էլ աղջիկների համար:

ավելին →

Ինչպես օրվա տևողությունը երկարացնել 4 ժամով կամ վաղ առավոտյան արթնանալու մի քանի պատճառ

«Ոչ մի կերպ չեմ կարողանում հագենալ քնից», «Ժամանակը չի հերիքում անհրաժեշտ գործերն անելու համար», «Ես նորից քնով եմ անցել», «Ես ինձ շատ հոգնած և թույլ եմ զգում». ծանոթ արտահայտություննե՞ր են: Գերծանրաբեռնվածությունը մեր ժամանակների ամենատարածված խնդիրներից է: Եթե ուզում ես իմանալ՝ ինչպես պայքարել դրա դեմ, ապա կարդա այս նյութը:

ավելին →