Ինչպես ուրախացնել մտերիմ մարդուն` հենց այնպես, առանց առիթի
Կիսվում ենք մտերիմներին ուրախացնելու ու զարմացնելու մի քանի հետաքրքիր գաղափարներով: Այդ բոլոր գաղափարները նվազագույն ֆինանսական միջոցներ են պահանջում և հարմար են ինչպես տղաների, այնպես էլ աղջիկների համար:
1. Փոքրիկ անակնկալ
Դա չի պահանջի մեծ գումար և կխլի շատ քիչ ժամանակ ու ջանքեր, չէ որ դա… շոկոլադե ձվիկ է` իր գաղտնիքով: Գնիր Kinder-Surprise, իսկ ավելի լավ է` 2 հատ, այն դեպքի համար, եթե առաջին անգամից չստացվի 😀 : Խնամքով՝ առանց պատռելու բացիր փաթեթը և հանիր շոկոլադե ձվիկը: Դանակի օգնությամբ զգուշորեն բացիր այն` կիսելով համապատասխան գծով և…փոխարինիր խաղալիքը հաճելի բովանդակությամբ գրառումով: Դու ինքդ գիտես, թե ինչը դուր կգա զուգընկերուհուդ (զուգընկերոջդ): Այնուհետև տաքացրու դանակը կրակի վրա, և դանակի շեղբով անցկացրու կիսած շոկոլադե ձվիկի եզրով: Զգուշորեն միացրու 2 կեսերը և նորից փաթաթիր ձուն: Անակնկալը երաշխավորված է:
2. Գեղեցիկ անակնկալ` սիրո խոսքերով
Պատրաստիր 50 (կարելի է և 100 😀) փոքրիկ գրություններ, որտեղ նշիր, թե ինչու ես սիրում զուգընկերոջդ: Այնուհետև վերցրու մի գեղեցիկ փոքր տուփ, լցրու այն այդ գրառումներով և տուփին ամրացրու գեղեցիկ ձևավորված պիտակ, օրինակ` «Քեզ սիրելու 100 պատճառ»: Տուփը կարելի է գեղեցիկ փաթեթավորել վառ գույնի թղթով և կապել մետաքսե ժապավեն:
3. Հաճելի հիշողություններ
Եթե ձեր հարաբերություններն արդեն երկար պատմություն ունեն, դու կարող ես պատրաստել գեղեցիկ հուշանվեր` կատարելով «հիշողության գրառումներ»: Վերցրու մի փոքր ապակյա աման և լցրու այն ձեր հարաբերությունների զվարճալի, զգացմունքային, ծիծաղելի, տխուր պահերի մասին գրառումներով. «մեր առաջին հանդիպումը», «նրա առաջին օրը համալսարանում» և այլն: Կարելի է լուսանկարներով գրառումները հավաքել մի փոքր նոթատետրի մեջ` ստեղծելով օրագիր կամ պատրաստել գեղեցիկ ներկայացում` ռոմանտիկ երաժշտությամբ: Նվերը կլինի նույնիսկ ավելի յուրահատուկ, եթե խնդրես նրա մոտիկ ընկերներին, եղբորը, քրոջը, ծնողներին ընկերոջդ հետ կապված հիշողությունների վերաբերյալ նույնպես գրառում անել: Ի դեպ, սա հրաշալի նվեր է ցանկացած հոբելյանական առիթով, ցանկացած տարիքի մարդու համար:
4. Անակնկալ փուչիկներ
Համաձայնվիր, որ փուչիկները ստեղծում են տոնական մթնոլորտ: Սակայն դրանք կարելի է էլ «ավելի հետաքրքիր» ձևով մատուցել: Անհրաժեշտ է 5-ից 10 փուչիկ և թղթիկներ, որոնց վրա գրիր սիրո խոստովանություն կամ այլ հաճելի բառեր, ապագա ծրագրերի կամ ձեր ընդհանուր երազանքների մասին ցանկություններ: Գրառումները տեղադրիր փուչիկների մեջ և փչիր, հետո առաջարկիր միասին բացել և կարդալ:
5. Ֆոտոկոլաժ
Ջերմ հուշերն ու սիրված դեմքերը պետք է միշտ լինեն ձեր կողքին: Այսպիսի հուշանվերը ամեն օր հաճելի պահեր կպարգևի սիրելիին: Պատրաստիր ձեր 3-4 ամենահաջողված գեղեցիկ լուսանկարներից ֆոտոկոլաժ և փակցրու այն պատին:
Նման անակնկալներ կարելի է պատրաստել ոչ միայն սիրած մարդկանց, այլ նաև ընկերների ու բարեկամների համար:
Փոխի՛ր գաղափարները, գործի դիր երևակայությունդ, և թո՛ղ քո մտերիմները զգան քո ջերմ վերաբերմունքը ամեն օր:
Կիսվի՛ր հետաքրքիր գաղափարներով մեր ֆեյսբուքյան էջում:
Նկարը գտել ենք այստեղ:
Կարդացեք նաև
Ինչպես դուրս գալ ֆրենդզոնայից
Եթե դու չգիտես, թե ինչ է ֆրենդզոնան, հարկ չկա անհանգստանալու, ավելի լավ, քանի որ այդ տեսակի հարաբերությունները սիրահարված մարդուն չեն բերում շատ դրական հույզեր: Բայց բոլոր դեպքերում կարդա այս հոդվածը, հենց այնպես, հետագայի համար: Իսկ եթե դու գտնվում ես ֆրենդզոնայում, կարդա, որ իմանաս, թե ինչպես այդտեղից դուրս գալ…
ավելին →
Ինչպես վերապրել սիրո կորուստը
Դուք վաղուց եք իրար ճանաչել, ընկերություն եք արել, հետո հանկարծ նա առաջարկեց հանդիպել: Եվ ամեն ինչ հրաշալի էր, ինչպես հեքիաթում... Մինչ այն օրը, երբ նա անսպասելիորեն հայտնեց, որ մեկնում է այլ երկիր, որտեղ նրա կյանքը լրիվ այլ է լինելու, իսկ դուք կարող եք մնալ ընկերներ....Ցավալի է, վիրավորական, սակայն այս իրավիճակը դու չես կարող փոխել: Ինչպե՞ս վերապրել ձեր բաժանումը: Ինչպե՞ս համակերպվել առաջին, իսկական սիրո կորստի հետ:
ավելին →
Ընկերություն առանց խոչընդոտների կամ ընկերոջս մոտ ախտորոշվել է ՄԻԱՎ…
Ասում են` «ընկերներին չեն ընտրում», չնայած մենք ընտրում ենք մեր հարաբերությունները կառուցելու եղանակը: Իսկ օրինակ, ինչպե՞ս արձագանքել, եթե ընկերը հայտնվել է բարդ իրավիճակում կամ լուրջ հիվանդացել է: Արդյոք կկարողանա՞նք օգնել ընկերոջը կամ ընկերուհուն դժվար պահին:
ավելին →
Ինչու է ավելի լավ առանց հարաբերությունների. 5 պատճառ
Դու տխրում ես, քանի որ ներկա պահին չունես զուգընկեր, և Սուրբ Վալետնտինի օրը քեզ ոչ ոք սիրո խոստովանություն չի՞ անում: Եվ գուցե քեզ համար դժվար է այդ մտքի հետ հաշտվել: Հատկապես, երբ խանութներում, սրճարաններում, փողոցում և համացանցում անընդհատ հանդիպում ես սրտիկներ, տարատեսակ սիրո խորհրդանիշներ` «ինչ նվիրել երկրորդ կեսին» կամ «ինչպես ռոնանտիկ անցկացնել Սուրբ Վալենտինի տոնը» և նման այլ խորհուրդներ … Տխրելու առի՞թ է: Բոլորովին էլ ո՛չ: Միայնակության մեջ կան շատ դրական կողմեր: Չե՞ս հավատում, կարդա՛ այս հոդվածը:
ավելին →