Ֆրենդզոնան հարաբերությունների այն տեսակն է, երբ ընկերներից մեկը սիրահարված է մյուսին, իսկ վերջինս ընկալում է նրան զուտ որպես ընկեր: Բառացի թարգմանելով անգլերենից` «ընկերության տիրույթ»:

Այդպիսի իրավիճակում մարդը չի ցանկանում փոխել կոնկրետ անձի հետ ստեղծված և կայացած փոխհարաբերությունները, նա իրեն լավ և հարմարավետ է զգում ընկերներ մնալով: Չէ՞ որ դա ենթադրում է շփում, մտքերի և գաղափարների փոխանակում, միևնույն հոբբի և հետաքրքրություններ, համատեղ ժամանց և զվարճանքներ: Եվ ի վերջո, ոչ ոք չի ցանականում կորցնել լավ ընկերոջը:

• Համոզվիր, որ դու անհարմարություն չես ստեղծում ընկերոջդ` նրա անձնական տիրույթում գտնվելով: Եթե նա դրականորեն է արձագանքում քո գրկելուն և հպումներին, ուրեմն նա ենթագիտակցաբար քեզ ընդունում է և վստահում, իսկ դա արդեն մեծ բան է:
• Փորձիր ինչ-որ բան փոխել քո վարքագծի մեջ` դարձրու ձեր զբոսանքը ռոմանտիկ` միասին այցելելով ձեր սիրած սրճարանը կամ կինոթատրոնը, զբոսնելով ձեր ծանոթության հետ կապված փողոցներով: Դա կարող է ընգծել ձեր հարաբերությունների կարևորությունը, հիշեցնել պատմությունը և ինչ-որ հատուկ հանգամանքներ և իրադարձություններ:
• Կերպարանափոխվի՛ր: Դա բոլորովին չի նշանակում, որ պետք է քեզ կոտրես սիրած մարդու իդեալին համապատասխանելու համար: Կարևոր է լինել ինքնաբավ անձնավորություն, զարգանալ, լավացնել քո կարողությունները և դրական կողմերը: Ուժեղ և ինքնավստահ մարդիկ միշտ առաջացնում են համակրանք և դրական հույզեր:

• Բացահայտիր քո զգացմունքները: Եթե զգում ես, որ վերը նշված գործողությունները անարդյունավետ են, կատարիր վստահ քայլ և բացահայտիր քո սերը: Այստեղ ոչ մի վատ կամ ամոթ բան չկա, քանի որ սիրահարվածությունը գեղեցիկ զգացում է, որը կարող է պատահել ցանկացած մարդու հետ: Հնարավոր է, որ քո սիրած մարդը նույնպես զգում է ինչ-որ բան քո նկատմամբ, սակայն ամաչում է սեր բացատրվել: Մտերիմ մարդուն կամ մոտիկ ընկերոջը կորցնելու վախը նորմալ է: Բայց երբեմն ավելի ճիշտ է սեր խոստովանել և պարզելով իրողությունը` արդեն մտածել, թե ինչ անել:
• Եթե քո զգացմունքները փոխադարձ չեն, մի՛ հուսահատվիր: Կարևորը այդ իրավիճակում փորձել հասկանալ մարդուն, հանգիստ շարունակել շփվել նրա հետ և չստիպել պատասխանել քո զգացմունքներին: Փորձիր չընկալել դա իբրև ձեր հարաբերությունների ավարտը: Եվ առհասարակ, ցանկացած իրավիճակ ունի նաև դրական կողմեր, և շատ հավանական է, որ որոշ ժամանակ անց դուք միասին ժպիտով եք հիշելու այդ պատմությունը:

Նկարի համար շնորհակալություն այս աղբյուրին:

Հոդվածի հեղինակներ` Նաստյա Սվիտկո և Սվետլանա Վերտոլա:

Կարդացեք նաև

Ինչպես վերապրել սիրո կորուստը

Դուք վաղուց եք իրար ճանաչել, ընկերություն եք արել, հետո հանկարծ նա առաջարկեց հանդիպել: Եվ ամեն ինչ հրաշալի էր, ինչպես հեքիաթում... Մինչ այն օրը, երբ նա անսպասելիորեն հայտնեց, որ մեկնում է այլ երկիր, որտեղ նրա կյանքը լրիվ այլ է լինելու, իսկ դուք կարող եք մնալ ընկերներ....Ցավալի է, վիրավորական, սակայն այս իրավիճակը դու չես կարող փոխել: Ինչպե՞ս վերապրել ձեր բաժանումը: Ինչպե՞ս համակերպվել առաջին, իսկական սիրո կորստի հետ:

ավելին →

Ինչպես դառնալ լավ ընկեր

Զարմանալի է, բայց փաստ է, որ ոչ ամեն մեկը կարող է լինել լավ ընկեր: Ցավոք, դա սովորելն այդքան հեշտ չէ: Ահա մի քանի պարզ և գործուն խորհուրդներ, որոնք կօգնեն գտնել նոր ընկերներ և պահպանել լավ հարաբերությունները հին ընկերների հետ:

ավելին →

Ինչպես խոսել նրա հետ այդ մասին

Ունե՞ս մեկ հավատարիմ զուգընկեր, ում վստահում ես, և կարծում ես, որ հակաբեղմնավորիչ միջոցներ օգտագործելու կարիք չկա՞: Ճիշտ ժամանակն է խոսել այդ մասին զուգընկերոջ հետ: Բայց ինչպե՞ս:

ավելին →

Պլաններից դուրս

Փաստ. հաճախ մեզ թվում է, թե այնքան ենք մեծացել, որ կարող ենք սեռական հարաբերությունների մեջ մտնել: Սակայն արդյո՞ք մենք պատրաստ ենք դրա հնարավոր հետևանքներին: Դեպքերը կարող են այլ ընթացք ունենալ: Այնպիսի ընթացք, որը դու չէիր պլանավորել:

ավելին →