Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։
Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, անհանգստություն, գրգռվածություն, ջրազրկում, անքնություն և այլ խանգարումներ։
Իհարկե, այդ ըմպելիքների օգտագործումը ժամանակ առ ժամանակ և փոքր քանակով վտանգավոր չէ։ Ինչևէ, պետք է իմանալ, որ էներգետիկ ընպելիքներն առաջացնում են կախվածություն։
«Էներգետիկ» տերմինը մոլորեցնող է․ երիտասարդը կարծում է, որ խմում է նորաձև, գեղեցիկ փաթեթավորված մի ըմպելիք, որ էներգիա է տալիս։ Նաև էներգետիկ ըմպելիքները պետք չէ շփոթել սպորտային ըմպելիքների հետ (օգտագործվում եմ մարզիկների կողմից կորցրած հեղուկը, միներալները և շաքարը արագ վերականգնելու համար)։
! Հատկապես վնասակար է էներգետիկ ըմպելիքների զուգակցումը ալկոհոլի հետ։ Այս պարագայում ալկոհոլի ազդեցությունը դառնում է ավելի ուժեղ, մարդը ավելի շուտ է կորցնում ինքնատիրապետումը, կարող է ունենալ սրտխառնոց, գլխապտույտ և արագ վատանալ։
Կազմեց՝ Ե․Մովսեսյան
Նյութի աղբյուր՝ https://www.cdc.gov/healthyschools/nutrition/energy.htm
Կարդացեք նաև
Տարածված առասպելներ առողջ ապրելակերպի մասին
Գիրություն (ճարպակալում)
Զգուշացե՛ք, նիհարեցնող միջոցներ
