Ֆոտո շրջանակ`ձեր ընդհանուր լուսանկարներով

Հիմա շատ արդիական են ֆոտո շրջանակները, որոնց մեջ կարելի է տեղադրել մի քանի լուսանկարներ: Ընտրիր ամենահաջողված և ընկերուհուդ սիրելի լուսանկարները: Եթե դրանք բավարար չեն, ուրեմն դու ունես լավ առիթ նախատոնական զբոսանք կազմակերպելու համար, որը համատեղիր սելֆիների և ֆոտոսեսիայի հետ: Այդպիսի նվերը` ձեր ընդհանուր լուսանկարներով, կդառնա նրա սենյակի սիրված զարդարանքը, իսկ նրա հիշողության մեջ դեռ երկար կպահպանվեն ձեր համատեղ ֆոտոսեսիայի և միասին անցկացված ժամանակի մասին հաճելի հուշեր: Նաև, եթե տիրապետում ես հատուկ ծրագրերին, կարող ես պատրաստել տեսահոլովակ այդ նկարներից:

Մի-մի-մի և փափկամազիկներ

Փափուկ խաղալիքը հրաշալի ամանորյա նվեր է, քանի որ գրեթե բոլոր աղջիկները սիրում են փափուկ խաղալիքներ` փափկամազիկներ, Թեդի արջուկներ և այլն (կարող ես ինքդ շարունակել ցանկը): Որպեսզի իմանաս, թե որ տարբերակը ամենից շատը դուր կգա աղջկան, «պատահական» միասին մտեք մանկական խաղալիքների խանութ` իբր ընտրելու փափուկ խաղալիք քո փոքր քույրիկի համար: Դու ինքդ կտեսնես, թե նա ինչ կհավանի, և հետագայում նրա համար նվեր ընտրելիս` հաստատ չես սխալվի:

Դոլչե Վիտա

Նրա սիրված քաղցրավենիքով լցված գեղեցիկ տուփը, որի վրա սոսնձել ես նրա կամ ձեր համատեղ նկարները` անակնկալ նվերի լավ տարբերակ է: Իսկ եթե այդ տուփի մեջ դնես նրա ցանկությունը կատարելու մասին կտրոն (օրինակ` միասին գնալ ռոմանտիկ ֆիլմ դիտելու, միասին երգել կարաոկեում), անկասկած նրան հաճելիորեն կզարմացնես: Լավ նվեր կլինի Կինդեր ձվիկը` խաղալիքի փոխարեն ձեր համատեղ ժամանցի վերաբերյալ անակնկալ առաջարկով: Նաև կարող ես նրան հրավիրել սահադաշտ կամ միասին ձնեմարդ պատրաստելու և այլն:

Ամանորյա քվեստ

Եթե տանը հեռուստացույցի առջև նստելը` չարազի և տորթերի ուղեկցությամբ, ձեր ոճի մեջ չէ, զարմացրու ընկերուհուդ էքստրիմով: Նախապես իմացիր, թե ինչ տոնական միջոցառումներ են անցկացվելու ձեր քաղաքում, գրի առ ուղղությունները և հրահանգները և տեղադրիր հուշումներ ձեր երկուսի համար կարևոր վայրերում, ինչպես նաև քաղաքի տոնածառի մոտ, դպրոցի բակում կամ ձեր առաջին ժամադրության վայրում: Եզրափակիչ փուլում դու նրան կդիմավորես, միասին կգնաք սրճարան` նրա արկածները քննարկելու 🙂 : Իսկ այդ հետաքրքիր քվեստի գեղեցիկ եզրափակումը կլինի ձեր ամանորյա բարեմաղթանքներն ու ցանկությունները գրելը և փուչիկի կամ թռչող լապտերի միջոցով երկինք ուղարկելը: Եվ բոլոր երազանքներն անպայման կիրականանան:

Ջերմ միջավայր

Եթե ընկերուհիդ սիրում է նստել տանը` գիրք կարդալով և թեյ խմելով, նրա համար լավ նվեր կլինի տաք շալը կամ պլեդը: Կարող ես ամրացնել փոքրիկ բացիկ` նշելով, որ այդ շալը նրան կտաքացնի այն ժամանակ, երբ դու նրա կողքին չես: Այդ նվերը կստեղծի դրական և ջերմ միջավայր, որն ուղղակիորեն կապված կլինի քո հետ:

Ինչպես տեսնում ես, բարդ բան չկա: Կարևորը` սիրով պատրաստես անակնկալ նվերդ, և ոչ թե անես դա իմիջիայլոց:

Նաև մի մոռացիր լինել ուշադիր, նախապես իմացիր նրա նախասիրությունները և ճաշակը, և հաջորդ տոնի համար կունենաս շատ այլ հետաքրքիր գաղափարներ` սիրած աղջկան ուրախացնելու համար: Որոշ գաղափարներ կարող ես գտնել այս հոդվածում:

Հաջողությո՛ւն ենք մաղթում և հաճելի ամանորյա անակնկալներ:

Նկարի համար շնորհակալություն այս աղբյուրին:

Հոդվածի հեղինակ` Սվետլանա Վերտոլա:

Կարդացեք նաև

7 գաղափար ամառային ռոմանտիկ հանդիպումների համար

Ամառը հրաշալի ժամանակ է հաճելի հանգստի, վառ տպավորությունների և … սիրած աղջկա կամ տղայի հետ ռոմանտիկ հանդիպումների համար: Ի՞նչ նախաձեռնել ամառվա արձակուրդներին, որ ձեր ժամադրությունները հիշվեն յուրահատուկ և շատ դրական ընդհանուր հույզերով: Մենք պատրաստել են մի քանի գաղափարներ, որոնք բավականին հետաքրքիր են, յուրօրինակ և կարևորը` մատչելի բոլոր երիտասարդ զույգերի համար:

ավելին →

6 խորհուրդ տղաներին` աղջկա հետ ծանոթանալու համար

Որտե՞ղ ծանոթանալ, ի՞նչ ասել, ինչպե՞ս պահել` լավ տպավորություն ստեղծելու համար: Եվ ոչ միայն իմանալ նրա անունը, այլ հետաքրքրություն առաջացնել, որպեսզի աղջիկը համաձայնվի շարունակել քո հետ շփումը: Հետևի՛ր մեր հոդվածի խորհուրդներին, և ամեն ինչ կհաջողվի:

ավելին →

Ի՞նչ նվիրել տղային …

Ամանորյա կամ առհասարակ ցանկացած տոները հրաշալի ժամանակ է երեկոյան քաղաքի փողոցներով միասին զբոսնելու և հաճելի ժամանակ անցկացնելու համար: Եվ իհարկե, տոներն ենթադրում են հաճելի անակնկալ նվերներ մտերիմ մարդկանցից: Եթե ձեր հարաբերությունները նոր են զարգանում և դուք իրար դեռ շատ լավ չեք ճանաչում, ընկերոջ կամ սիրած տղայի համար նվեր ընտրելը հեշտ գործ չէ: Բայց եթե դու ուզում ես նվերի օգնությամբ ցույց տալ տղային, թե ինչքան ես գնահատում ձեր հարաբերությունները և անակնկալը դարձնել ռոմանտիկ ու տոնի թեմային համահունչ, կարող ես օգտվել մեր խորհուրդներից:

ավելին →

Հետևողական հայացք մարմնին (տղաների համար)

Հավանական է, որ դու արդեն կարող ես տղամարդու մարմնի վերաբերյալ փոքր դասախոսություն կարդալ կրտսեր եղբորդ համար: Ամեն դեպքում ճիշտ կլինի որոշ եզրույթների ճշգրտում կատարել՝ մի կողմից հնարավոր թյուրիմացությունից խուսափելու, մյուս կողմից՝ սեփական մարմինն ավելի լավ ճանաչելու համար:

ավելին →