Ռոմանտիկան ամառային ճամբարում
Ապացուցված է, որ միասին վերապրած դրական հույզերը մտերմացնում են մարդկանց: Այդ պատճառով էլ, շատ բնական է, որ կարող ես սիրահարվել: Օրինակ` այն համակրելի տղային, ով օգնում էր քեզ սար բարձրանալ ձեր ջոկատի արշավի ժամանակ: Անմիջական միջավայրը, համատեղ միջոցառումների շարքը նպաստում են փոխադարձ համակրանքի առաջացմանը, օգնում են ավելի արագ իրար հետ շփման եզրեր գտնել:
Ճամբարում (կամ հանգստի տանը) հարաբերություններն ունեն մի շարք դրական կողմեր.
- Դուք երկուսդ էլ ունեք նույն օրվա ռեժիմը, ուրեմն անհրաժեշտություն չկա առիթ և ժամանակ փնտրել հանդիպելու համար: Ցանկացած ժամանակ դուք ընդամենը մի քանի քայլ հեռավորության վրա եք իրարից:
3. Հարկ չկա գումար ծախսելու ժամադրության համար: Ճամբարում շատ հեշտ է միասին գնալ նախաճաշի, ճաշի կամ ընթրիքի, ամեն ինչ անվճար է 🙂
4. Հեշտ է իմանալ իրար բոլոր ուժեղ և թույլ կողմերը: Ինչո՞ւ: Տես կետ 1-ին` դու մշտապես իրար հետ եք: Դիսկոտեկները, սպորտային խաղերը և մրցույթները ցույց կտան` ինչքան լավ եք պարում, ֆուտբոլ խաղում, երգում, պատմում կամ հարցերին պատասխանում:
Բայց այսպիսի ծանոթության և մերձեցման մեջ կան և բացասական կողմեր.
- Առանձնանալու անհնարինություն: Դուք մշտապես շրջապատված եք ընկերներով և ջոկատավարներով: Այդ իսկ պատճառով պետք է լինել հնարամիտ` մեկուսանանալու վայր և ժամ գտնելու համար:
- Վոլեյբոլ խաղալուց հետո քրտնած շապիկը այդքան էլ համակրելի չէ:
- Դժվար է իրականում իրար լավ ճանաչել: Դուք չունեք շատ ժամանակ` երկար խոսելու ձեր հետաքրքրությունների, ճաշակների և զգացմունքների մասին, իրար մոտիկից ճանաչելու: Եվ ընդհանրապես, 1-2 շաբաթում դժվար է կառուցել կայուն հարաբերություններ, որ կդիմակայեն ժամանակի և տարածության փորձությանը:
- Եթե դուք կռվեք (դա էլ է պատահում, այնպես չէ՞), ապա դժվար կլինի իրարից հեռու գտնվել և խուսափել հանդիպելուց:
- Մտքեր այն մասին, որ այս հարաբերությունները կավարտվեն (մեծ հավանականությամբ) հերթափոխի հետ միասին: Կամ որոշ ժամանակ անց:
Իսկ ինչքանո՞վ իրատեսական է պահպանել հարաբերությունները հերթափոխի ավարտից հետո, երբ դուք իրարից բաժանվեցիք: Այո՛, իհարկե, տուն վերադառնալուն պես ամեն մեկը կխորասուզվի իր առօրյա գործերի մեջ: Այո՛, զգացմունքները ժամանակի հետ կթուլանան: Բայց եթե դուք անկեղծորեն ցանկանում եք իրար հետ լինել, կարող եք դա անել: Հաճախակի շփվեք, կիսվեք իրար հետ ձեր կյանքում տեղի ունեցած իրադարձությունների մասին տպավորություններով և տարբեր մանրուքներով և իհարկե` ամեն հնարավորություն օգտագործեք նորից հանդիպելու համար:
Գուցե հենց այս հերթափոխը ճամբարում կդառնա առաջին քայլը դեպի իրական մեծ սեր և տևական ամուր հարաբերություններ: 🙂
Նկարի համար շնորհակալություն այս աղբյուրին, անիմացիայի համար` այս:
Կարդացեք նաև
7 գաղափար ամառային ռոմանտիկ հանդիպումների համար
Զանգի տարածության վրա
Ինչպե՞ս պատրաստվել առաջին ժամադրությանը. խորհուրդներ տղաներին
