2015 թվականի նոյեմբերի 18-ին առաջին անգամ նշվեց եվրոպական օրն ընդդեմ երեխաների հանդեպ սեռական բռնության: Այդ որոշումն ընդունվել էր 2015 թվականի մայիս ամսին Եվրոպական խորհրդի բոլոր անդամ երկրների կողմից:

Ըստ  վիճակագրական տվյալների Եվրոպայի ամեն հինգերորդ անչափահաս երեխա դառնում է սեռական բռնության զոհ: Նման դեպքերի 70-85%-ը ծանոթ և անգամ մտերիմ մարդկանց մասնակցությամբ է տեղի ունենում, և երեխաների մեծ մասը թաքցնում են իրենց տանջանքները, վախենում են խոսել բռնության մասին, այդ իսկ պատճառով հանցագործությունների 90%-ը չի հաղորդվում ոստիկանությանը:

Ծնողներին և երեխաներին տեղեկացնելու նպատակով Եվրոպական խորհուրդը պատրաստել է նոր տեսանյութ «Պատմիր նրան, ում վստահում ես» վերնագրով: Տարածի′ր այդ տեսանյութը, հնարավոր է, որ որևէ մեկին դա կօգնի:

Գործում է թեժ գիծ կանանց իրավունքների կենտրոնում` 010-54-28-28, 0 800 80 850:

Արտակարգ իրավիճակների նախարարության ճգնաժամային կառավարման ազգային կենտրոնի հոգեբանական ծառայության թեժ գծի հեռախոսահամարն է` 010-36-06-84:

Տեղեկատվությունը մենք գտել ենք այստեղ  և այստեղ,  իսկ նկարը` այստեղ: