Այսօր Միացյալ Նահանգներն ու Կանադան տոնում են Thanksgiving-ը՝ «Երախտագիտության տոնը»:

«Երախտագիտության օրն» առաջին անգամ տոնել են 1621 թվականին, երբ Ամերիկայի գաղթականները հրավիրեցին հնդկացիների ցեղապետին և 90 հնդկացիների իրենց հետ ճաշելու: Սա նրանց շնորհակալությունն էր հնդկացիներին, որոնք օգնել էին գոյատևել ցրտաշունչ ձմռանն ու սովորեցրել էին գաղթականներին մշակաբույսեր աճեցնել: Հնդկացիների հետ համատեղ անցկացված այս ճաշկերույթը դարձավ «Երախտագիտության օրվա» առաջին տոնակատարությունը:

Մեր օրերում սա տոն է ընտանիքների միավորման, ընկերների, համեղ ուտելիքի և իհարկե շնորհակալության՝ այն ամենի համար, ինչ ունենք: Չնայած, որ այդ տոնը ԱՄՆ-ի և Կանադայի ազգային տոներից մեկն է, շատ երկրներ նույնպես նշում են այն՝ ընկերների և ընտանիքի հետ միասին:

Ի դեպ` ԱՄՆ-ի ավտոմեքենաների ասոցիացիայի տվյալներով ամեն տարի 42 մլն-ից ավելի ամերիկացնիներ 50-ից ավելի մղոն են անցնում «Երախտագիտության օրը» մտերիմների հետ նշելու համար: Ամեն տարի այս տոնին ընդառաջ ԱՄՆ-ում վաճառվում է մոտ 280մլն հնդկահավ, որը տոնական սեղանի պարտադիր ճաշատեսակն է:

Այսօր լավ առիթ է շնորհակալություն  հայտնելու մեր կամավորներ` Edvin Grigoryan-ին, Lilly Pinajyan-ին, Աննա Հովսեփյան-ին, Heghine Hambardzumyan-ին, Julia Aghajanyan-ին, Liana Manasaryan-ին և Liana Musheghian-ին՝ Teenslive Armenia թիմի լավագույն անդամները լինելու և մեր սիրելի ծրագրում իրենց ներդրումն ունենալու համար: 😊