Մարզում են ուղեղի բջիջները
Այլ նորություններ
Հայտնի է, որ տարիքի հետ նոր բաներ սովորելու ունակություն պակասում է, թուլանում է հիշողության ֆունկցիան, ընկալելու և արագ արձագանքելու հմտությունը: Դպրոցական և ուսանողական տարիքում (մինչև 20-25տ.) սովորելու, նոր հմտություններ ձեռքբերելու գործընթացները շատ հեշտ են տեղի ունենում, այս տարիների ընթացքում է դրվում ակադեմիական գիտելիքների հիմքը:
Բայց… Ունենք լավ լուր նաև հասուն տարիքի մարդկանց համար 🙂
Մասնագետները պարզել են, որ հնարավոր է պահպանել կոգնիտիվ ֆունկցիան (ուղեղի նորմալ աշխատանքը և լավ հիշողությունը) մինչ խորը ծերություն և նույնիսկ կանխարգելել ծերունական թուլամտությունը (Ալցհեյմերի հիվանդություն)` հետևելով մի քանի պարզ խորհուրդներին.
- Կանոնավոր «մարզել» ուղեղը` լուծելով տարբեր խնդիրներ
- Ճիշտ սնվել`օգտագործելով հակաօքսիդանտներ, միկրատարրեր և վիտամիններ
- Լինել ֆիզիկապես ակտիվ:
Իսկ այսպես, ուղեղի աշխատանքի և հիշողության լավացման համար.
- Խաչբառ, գլուխկոտրուկներ և սուդոկու լուծեք
- Նոր բառեր սովորեք օտար լեզվով
- Կարդացեք գրքեր, ամսագրեր
- Անգիր սովորեք Ձեր սիրելի բանաստեղծությունը, փորձեք հիշել հեռախոսի համարներ
- Վավերագրական ֆիլմեր դիտեք Ձեզ հրապուրող թեմայի վերաբերյալ
- Ամիսը նվազագույնը մեկ անգամ թանգարան գնացեք:
Մարզեք ուղեղի բջիջները և դանդաղեցրեք ուղեղի ծերացումը`մարտահրավեր նետելով Ձեր ուղեղին: