Այլ նորություններ
Բուլինգ․ ինչպե՞ս վարվել
Բուլինգը բավական տարածված երևույթ է դպրոցներում։ Ցավոք, ոչ մեկ ապահովագրված չէ բռնության այս ձևից։ Բուլինգի կարող է ենթարկվել ցանկացած դեռահաս։ Բուլինգի տեսակների մասին և թե ինչպես վարվել նման իրավիճակներում կարող ես իմանալ այս տեսանյութերից՝ «Բուլինգ. մաս 1», «Բուլինգ. մաս 2», «Բուլինգ. մաս 3»։ Ի դեպ, տեսանյութերի տարբեր մասերը նախատեսված են ինչպե՛ս երեխաների, այնպե՛ս էլ ծնողների և ուսուցիչների համար։ Ռուսաստանյան մասնագետները ստեղծել են հետաքրքիր ինտերակտիվ խաղ դեռահասների համար՝ https://classgames.ru/, որին մասնակցելով կարող ես սովորել՝ ինչպես դիմադրել (ռուսալեզու հարթակ)։ Եվ…
Տեղադրված է 14.11.2023 , 11:04…
ավելին →
Դեռահասային տարիքը իսկապես դժվար ժամանակաշրջան է և′ դեռահասների, և′ ծնողերի համար: 🙁
Հոգեբանները կիսվել են մի քանի պարզ խորհուրդներ, որոնք կօգնեն վերապրել այս դժվար շրջանը:
Եվ այսպես.
- Այս շրջանն ի վերջո կավարտվի: Պետք է լցվել համբերությամբ: Բոլորը անցել են այդ շրջանով, ծնողները` ևս: Ուստի, ծնոնղներին խորհուրդ է տրվում դեռահասի հետ զրուցելիս և որոշումներ կայացնելիս` հիշել սեփական դեռահասային տարիքը և հույզերը:
- Վարիր օրագիր: Ի դեպ, կարող ես այն վարել առցանց: Փորձիր գրի առնել, թե ինչ դրական բան արեցիր, ինչից գոհ մնացիր, թեկուզ և շատ փոքր ձեռքբերումներդ և հաջողություններդ: Հետո կարդալով` կհամոզվես, որ ունես շատ առավելություններ, ունակ ես լավ արարքների և կատարելագործվելու: 🙂
- Գրի առ այն խոշոր և կարևոր ձեռքբերումները, որ ունեցար, հատկապես այն, ինչը գերազանցեց քո սպասումները: Օրինակ` պատրաստվեցիր ստուգողականին և ստացար սպասվածից ավելի բարձր գնահատական, կամ օգնեցիր ընկերոջը կամ պարզապես անցորդին: Դա թույլ կտա համոզվել քո ուժերի և կարողությունների մեջ:
- Նպատակներ դիր, նույնիսկ ամենափոքր և պարզ: Ունեցիր ցանկությունների ցուցակ: Նկարիր երազանքներդ և աշխատիր իրագործել այդ փոքրիկ նպատակները և ցանկությունները, թեկուզ և դանդաղ քայլերով:
- Բազմազան դարձրու քո առօրյան և ազատ ժամանցի ակտիվությունները. զբաղվիր շատ տարբեր գործերով, փորձիր քո ուժերը տարբեր ոլորտներում:
- Կարդա նոր գրքեր և շփվիր նոր մարդկանց հետ:
- Պլանավորիր քո օրը և կառավարիր ժամանակդ:
- Հետևիր քո առողջությանը, կենսակերպին և արմատավորիր առողջ սովորություններ:
- Փորձիր քննադատաբար մոտենալ և վերլուծել տեղեկատվությունը, այդ թվում քո հասցեին հնչեցրած դիտողությունները:
- Հասակակիցների հետ շփվիր քաղաքավարի և բարյացկամ եղանակով: Իրար օգնեք և սատարեք: Միասին ժամանակ անցկացրեք, օրինակ` սպորտով զբաղվեք:
- Փորձիր գտնել քեզ հասկացող վստահելի մեծահասակ, ում հետ կարող ես կիսվել և հարցեր քննարկել: Լավ կլինի, որ դա լինի ծնոնղերից մեկը, բայց նաև կարող է լինել ընտանիքիդ անդամը, ուսուցիչը, բուժաշխատողը, հոգեբանը: Քո շրջապատում հաստատ կա նման մարդ:
Եվ իհարկե, եթե զգում ես դրա կարիքը, գրի′ր մեզ, կիսվի′ր քո հույզերով և խնդիրներով: