Լավագույնը հարաբերությունների և սիրո մասին: Ռեալ ժամանակի պայմաններում:

Ինչպես պահպանել հոգեկան առողջությունը առցանց տիրույթում

Այլ նորություններ

Հոգեկան առողջությունը առցանց տիրույթում
Առցանց լինելը մեծ հնարավորություններ է տալիս հաղորդակցվելու, սովորելու և կիսվելու կարևոր նորություններով, բայց նաև մարտահրավերներ է պարունակում: Եթե ​​սոցիալական մեդիան երբևէ ստիպել է ունենալ նախանձի, միայնակության կամ անհանգստության զգացում, ցածր ինքնագնահատական, կարդա՛ այս հոդվածը (1-ին մասն այստեղ)։ Շարունակում ենք ներկայացնել այն խորհուրդները, որոնք կօգնեն հոգալ քո հոգեկան առողջության մասին առցանց տիրույթում: Ընտրի՛ր բարությունը․ Օգտագործիր սոցիալական մեդիան՝ կիսվելով դրական և աջակցող բովանդակությամբ և հաղորդագրություններով քո ընկերների և հարազատների հետ: Օրինակ՝ կարող ես գրել, որ մտածում ես…
Տեղադրված է 03.02.2025 , 12:21…  ավելին →

Առցանց լինելը մեծ հնարավորություններ է տալիս հաղորդակցվելու, սովորելու և կիսվելու քո համար կարևոր նորություններով, բայց նաև մարտահրավերներ է պարունակում: 🙁

Եթե ​​սոցիալական մեդիան երբևէ ստիպել է ունենալ նախանձի, միայնակության կամ անհանգստության զգացում, ցածր ինքնագնահատական, իմացի՛ր, որ դու միայնակ չես:

Ահա հինգ խորհուրդ, թե ինչպես հոգալ քո հոգեկան առողջության մասին առցանց տիրույթում:

1 Խուսափի՛ր անկապ սքրոլ անելուց

Ուշադրություն դարձրու, թե ինչպես են սոց. ցանցերը և առցանց բովանդակությունը ազդում քո զգացմունքների, մտքերի կամ գործողությունների վրա: Արդյո՞ք նորություններ կարդալը քեզ սթրեսի մեջ է գցում: Ընկերներիդ խնջույքի նկարները տեսնելով՝ քեզ լա՞վ ես զգում, թե՞ նախանձում ես: Առավոտյան նախ ստուգո՞ւմ ես քո հեռախոսը՝ կարևոր նորություններն իմանալու համար, թե՞ զուտ սովորությունից դրդված:

Պարզելը, թե ինչու ես դու առցանց, և ինչպես է դա ազդում քո հոգեկանի վրա, կարող է օգնել սահմանելու որոշ կանոններ, թե որքան ժամանակ ես ծախսելու սոց․ցանցերում: Թեև միշտ չէ, որ իրատեսական է չհետևել բոլորին, ովքեր միտումնավոր կամ ակամա բացասաբար են ազդում քո զգացմունքների վրա, դու կարող ես արգելափակել կամ սահմանափակել անցանկալի բովանդակությունը: Կարևոր է հիշել, որ այն ամենը, ինչ տեսնում ես առցանց, իրական չէ։

2․ Ուշադի՛ր ընտրիր բովանդակությունը

Կան բազմաթիվ հիանալի առցանց գործիքներ և բովանդակություն, որ կարող են օգնել հոգեկան առողջության և բարեկեցության բոլոր ասպեկտներին: Մեդիտացիոն հավելվածներից, որոնք կօգնեն քեզ հանգստանալ և կենտրոնանալ, մինչև հարթակներ, որոնք օգնում են զարգացնել քո ինքնության զգացումը և օգնել ուրիշներին: 🙂 Կան բազմաթիվ առցանց ուսուցման հարթակներ, որտեղ դու կարող ես փորձել ինչ-որ նոր բան, դասընթացներ և տեխնիկաներ, որոնք կօգնեն քեզ մնալ առողջ և լիցքաթափվել:

Փորձի՛ր գտնել դրական և մոտիվացնող բովանդակություն: Հիշի՛ր, որ դու կարող ես օգտագործել մեդիան՝ կարիքի դեպքում մասնագիտական ​​օգնություն և հոգեկան առողջության մասին տեղեկություններ ստանալու համար:

3․ Պաշտպանի՛ր ինքդ քեզ և ուրիշներին առցանց

Ստուգիր գաղտնիության կարգավորումները քո բոլոր սոցիալական մեդիայի պրոֆիլներում: Փակիր վեբ-տեսախցիկը, երբ այն չի օգտագործվում: Զգույշ եղիր առցանց հավելվածներում և ծառայություններում գրանցվելիս, հատկապես՝ տրամադրելով քո լրիվ անունը, հասցեն կամ լուսանկարը: Եթե ​​դու մտահոգված ես մի բանով, որը տեսել կամ զգացել ես առցանց, պարտադիր պետք է խոսես վստահելի մեծահասակի հետ, դեպքի մասին տեղեկացնես (սքրինշոթը պետք է արվի որպես արձանագրություն) և փնտրես օգնության համարներ և հոգեբանական աջակցության ծառայություններ:

Դու կարող ես նաև օգնել ուրիշներին՝ ուշադրություն դարձնելով նրանց առցանց փորձառություններին, ճանաչելով կասկածելի կամ վտանգի նշանները, որ ցուցաբերում է ընկերդ, և օգնելով նրան ստանալու անհրաժեշտ աջակցությունը:

Հիշի՛ր, որ պետք է ստուգես և վերլուծես այն, ինչով կիսվում ես:

 

Շարունակելի․․

 

Նյութի սկզբնաղբյուրը և նկարի աղբյուրը՝ https://www.unicef.org/stories/5-ways-better-mental-health-online