Լավագույնը հարաբերությունների և սիրո մասին: Ռեալ ժամանակի պայմաններում:

Դեռահասների առողջության շաբաթ

Այլ նորություններ

Կորոնավիրուս. առասպելներ և փաստեր
Կորոնավիրուսը չի սպառնում երեխաներին: Սա առասպել է: Երեխաների կարող են վարակվել և հիվանդանալ, չնայած ավելի թեթև կամ աննշան ախտանիշներ զարգացնել: Դեռ 2020թ.-ին հրատարակված ուսումնասիրությունը ցույց է տվել, որ թեև վարակված երեխաներն ունեն թույլ ախտանշաններ, այդուամենայնիվ, համավարակի շարունակման դեպքում դրա ազդեցությունը երեխաների և երիտասարդների կրթության, սնուցման և բարեկեցության վրա երկարաժամկետ հեռանկարում կարող է շրջադարձային լինել։ Որքան երկար է տևում ճգնաժամը, այնքան խորն է դրա ազդեցությունը երեխաների բարեկեցության վրա: :-( Կորոնավիրուսը չի տարածվում շոգ կլիմայի պայմաններում: Սա…
Տեղադրված է 01.11.2021 , 13:04…  ավելին →

#2018TeenHealth

2018թ.-ի մարտի 18-24-ը հայտարարվել է «Դեռահասների առողջության շաբաթ», որը նվիրվում է դեռահասների առողջության և զարգացման արդիական հարցերին, առողջ ապրելակերպի և պատասխանատու վարքագծի խրախուսմանը:

Ամբողջ աշխարհում դեռահասներն ու երիտասարդները ունեն միանման խնդիրներ: 2014թ.-ին Հայաստանում անցկացված ԴԵԱՎ միջազգային հետազոտությունը (HBSC) բացահայտել է հայ դեռահասների շրջանում ֆիզիկական ակտիվության պակաս,  յուրօրինակ սննդային վարքագիծ,  ֆիզիկական և հոգեկան առողջության մի շարք խնդիրներ, տղաների շրջանում զգալիորեն բարձր է ֆիզիկական կռիվների հաճախականությունը, 15–ից 17 տ.-ում կտրուկ աճում է ծխախոտի օգտագործումը:

Դեռահասների առողջության շաբաթը աշխարհի շատ երկրներում նշվում է դեռահասների մասնակցությամբ տարբեր հետաքրքիր միջոցառումներով: Շաբաթվա յուրաքանչյուր օրը նվիրվում է մեկ թեմային.

  • Մարտի 18` Բռնության կանխարգելում
  • Մարտի 19` Կանխարգելիչ խնամք և պատվաստումներ
  • Մարտի 20` Առողջ սննդակարգ և ֆիզիկական ակտիվություն
  • Մարտի 21` Հոգեկան առողջություն
  • Մարտի 22` Սեռական առողջություն
  • Մարտի 23` Ծխախոտի, ալկոհոլի և թմրանյութերի օգտագործում
  • Մարտի 24` Բերանի խոռոչի հիգիենա

Այս տարի Հայաստանը ևս միացել է նախաձեռնությանը: Հետևեք մեր ֆեյսբուքյան էջին: