Լավագույնը հարաբերությունների և սիրո մասին: Ռեալ ժամանակի պայմաններում:
← Վերադառնալ "Նորություններ" բաժին

Ճարպակալման դեմ պայքարի համաշխարհային օր

Այլ նորություններ

Ինչով զբաղվել արձակուրդներին
Ամառ է․․․Արդեն վայելո՞ւմ ես քո սպասված արձակուրդը։ Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։ Ամբողջ օրը վիրտուալ տիրույթում անցկացնելն այդքան էլ նպատակահարմար չէ, քանի որ իրական աշխարհում բազմաթիվ հետաքրքիր զբաղմունքներ կան։ 😊 Առաջարկում ենք մի քանի հետաքրքրական գաղափար․ 1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող ես ավելի շատ ժամանակ տրամադրել…
Տեղադրված է 07.07.2026 , 09:35…  ավելին →
Մարտի 4-ը ճարպակալման դեմ պայքարի համաշխարհային օրն է (World Obesity Day):
Առողջապահության համաշխարհային կազմակերպության Մանկական ճարպակալման համաճարակաբանական հսկողության եվրոպական նախաձեռնության (COSI) տվյալներով Հայաստանում 7-8 տարեկան երեխաների 27.7%-ն ավելորդ քաշ ունի, 12.6%-ը` ճարպակալում։ Ընդ որում, ավելորդ քաշով և ճարպակալմամբ տղաների թիվը հասնում է 30%-ի, աղջիկներինը՝ 25%-ի:
Համաձայն Հայաստանի Դպրոցականների առողջության վարքագծի հետազոտության (HBSC)՝ 11 տարեկան տղաների 31%-ը, աղջիկների 17%-ը, 13 տարեկան տղաների 27%-ը, աղջիկների 15%-ը,  15 տարեկան տղաների 25%-ը, աղջիկների 12%-ն ավելորդ քաշ կամ ճարպակալում ունի։
Ճարպակալումը բազմագործոն քրոնիկական հիվանդություն է, բնորոշվում է ճարպի կուտակումով, ինչը բերում է տարբեր առողջական խնդիրների։
Ավելորդ քաշից և ճարպակալումից խուսափելու նպատակով անհրաժեշտ է․
✅սահմանափակել հեռախոսի, համակարգչի, հեռուստացույցի և ցանկացած այլ էկրանին նայելու ժամանակը,
✅օրական առնվազն 1 ժամ լինել ֆիզիկապես ակտիվ,
✅սահմանափակել քաղցրավենիքի օգտագործումը (ավելացված շաքարը չպետք է գերազանցնի 6 թեյի գդալը օրական կտրվածքով),
✅սնվել կանոնավոր, համաձայն առողջ ափսեի սկզբունքի,
✅լինել տեղեկացված և զերծ մնալ մեծ քանակով շաքար, աղ, ճարպեր պարունակող սննդից,
✅պահպանել քնի ռեժիմը՝ դպրոցականների համար առնվազն 9 ժամ,
✅ժամանակին այցելել բժշկի, հետևել քաշին և մարմնի զանգվածի ցուցանիշին (ՄԶՑ):
Ավելին կարդա՛ այս հոդվածում։
Ներբեռնի՛ր Զվարճալի ուղեցույց ավելցուկային քաշի կանխարգելման համար։