Լավագույնը հարաբերությունների և սիրո մասին: Ռեալ ժամանակի պայմաններում:
Ինչպե՞ս ազատվել ավելորդ համեստությունից

Շատ հաճախ մեզ այսպիսի հարցեր են ուղղում. «Ես շատ ամաչկոտ եմ, երբեմն նույնիսկ՝ ինքնամփոփ: Փորձում եմ ինձ փոխել, սակայն միշտ, երբ լինում է դրսևորվելու առիթ, ինչ-որ բան ձախողվում է: Ես վախենում եմ և ամաչում եմ ամեն ինչից, հատկապես՝ անծանոթ մարդկանց հետ խոսելիս: Ես խուսափում եմ նրանցից, քանի որ ինձ թվում է՝ նրանք հետաքրքրված չեն ինձանով, և մենք չունենք խոսակցության ընդհանուր թեմա: Ուզում եմ ազատվել այս ամենից»:

Այս դեպքում հոգեբանի խորհուրդը հետևյալն է. «Քո խնդիրը հաղթահարելու համար պետք չէ լինել քննադատող և պայքարել սեփական «ես»-ի դեմ, այլ պետք է ապրել համերաշխ և լինել ինքդ քեզ աջակից:

Հարցերդ ձևակերպիր այլ կերպ:

Օրինակ`

1.Ես դժվարանում եմ անծանոթ իրավիճակներում, քանի որ ուզում եմ լավ տպավորություն թողնել մարդկաց վրա:

2.Ես ուզում եմ հետաքրքիր լինել ուրիշների համար:

3.Ես չգիտեմ, թե ինչպես գրավեմ ուրիշների ուշադրությունը:

4.Ես աշխատում եմ խուսափել նոր և անհասկանալի իրավիճակներից, որտեղ ես չգիտեմ՝ ինչպես վարվել:

Այս խնդիրներից յուրաքանչյուրը հեշտությամբ կարող է լուծվել քո կողմից: Հաշվի առ, որ այս իրավիճակում նախատինք չկա:

Այժմ յուրաքանչյուր խնդրի մասին առանձին:

  1. Անծանոթ իրավիճակները դժվար են բոլորի համար: Աշխատիր ավելի տեղեկացված և ինքնուրույն լինել. սովորիր տաքսի կանչել, վճարել սրճարանում և այլն: Իսկ ինչպե՞ս դա անել: Վերցրու օրինակ ֆիլմերից, գրքերից, կամ հենց քո շրջապատի մարդկանցից:
  2. Ուրախացիր, որ քո մեջ մարդկանց դուր գալու ցանկություն կա: Դա ինքնին նշանակում է, որ դու անտարբեր չես ուրիշների հանդեպ: Նրանք քեզ պետք են, դու պատրաստ ես ընդունել և հարգել նրանց: Դա շատ դրական հատկանիշ է:
  3. Մտածիր քո հետաքրքրությունների մասին: Մարդկանց համար առավել ուշագրավ է լինում այն, ինչին դու լավ ես տիրապետում: Փորձի՛ր ինքդ քեզ տարբեր ոլորտներում և ձևավորիր քո սեփական հետաքրքրությունները: Դրանք քեզ կդարձնեն առավել հետաքրքիր շրջապատի մարդկանց համար:
  4. Նոր և անծանոթ իրավիճակներում վախի զգացում ունենալը նորմալ է: Նման դեպքերում մի շտապիր դրսևորվել, հետևիր մյուսներին և ճանաչիր միջավայրը: Եթե շփոթության դեպքում բացեիբաց խոստովանես, որ սովոր չես նման իրավիճակներին, և չգիտես՝ ինչպես վարվել, ապա միայն կվայելես շրջապատի համակրանքը:

Այլ հարցեր