Լավագույնը հարաբերությունների և սիրո մասին: Ռեալ ժամանակի պայմաններում:

Երեխաների համաշխարհային օր

Այլ նորություններ

Կորոնավիրուսային համավարակ և էկոլոգիա
Կորոնավիրուսով պայմանավորված համավարակն աշխարհի տնտեսությունների և մարդկանց կյանքերի վրա շատ մեծ ազդեցություն և ծանր հետևանքներ է ունեցել: Ինչևէ, Երկիր մոլորակի էկոլոգիայի վրա ազդեցությունը միակողմանի չէ: Մի կողմից արտանետված գազերի ծավալը կտրուկ անկում է ապրել: Չինաստանում, որն ամենաշատ աղտոտող երկրներից է, կորոնավիրուսի համաճարակի հետևանքով բազմաթիվ գործարաններ ու արտադրամասեր կանգնեցրել են իրենց աշխատանքը: Մարդիկ ստիպված էին մնալ տանը, այդ պատճառով փողոցներում ավտոմեքենաների թիվը զգալիորեն պակասել է, հետևաբար պակասել են խցանումներն ու դրա հետևանքով այրվող վառելիքը: Պակասել է…
Տեղադրված է 18.09.2020 , 19:18…  ավելին →

Նոյեմբերի 20-ը Երեխաների համաշխարհային օրն է (International Children’s Day)

1959թ.-ին այդ օրը ՄԱԿ-ի Գլխավոր ասամբլեայում ընդունվեց Երեխաների իրավունքների հռչակագիրը, իսկ 1989թ.-ին` «Երեխայի իրավունքների մասին» կոնվենցիան:

Համաձայն կոնվենցիայի` մինչև 18 տարեկան յուրաքանչյուր մարդ երեխա է համարվում:

Ըստ ՄԱԿ-ի՝ երեխայի օրվա համընդհանուր նշելը կնպաստի ազգերի միջև համերաշխության և համագործակցության ամրապնդմանը, ի շահ աշխարհի բոլոր երեխաների իրականացվող աշխատանքների բարելավմանը։

Այդ օրը բոլոր երկրներում խոսվում է երեխաների իրավունքների մասին:  Ծննդյան պահից մարդը մի շարք իրավունքներ է ձեռք բերում, որոնց թվում անուն և քաղաքացիություն ունենալու, իր ծնողներին ճանաչելու և նրանց խնամքը վայելելու իրավունքն է: Յուրաքանչյուր երեխա իրավունք ունի սիրված և պաշտպանված լինելու, ապրելու ապահով պայմաններում, լինելու առողջ, ստանալու անհրաժեշտ կրթություն: Երեխայի իրավունքները անբաժանելի են, համընդհանուր և անքակտելի:

Տոնական օրն աշխարհի տարբեր երկրներում նշում են տարբեր կերպ, անցկացվում են զանազան միջոցառումներ, որոնցից շատերն ունեն բարեգործական ուղղվածություն: