Լավագույնը հարաբերությունների և սիրո մասին: Ռեալ ժամանակի պայմաններում:

Ինչ անել արձակուրդներին

Այլ նորություններ

Ինչո՞ւ թողնել ծխելը
Ծխախոտի դեմ պայքարի օրվան ընդառաջ ևս մեկ անգամ խոսենք ծխելու վնասների և ծխախոտից հրաժարվելու կարևորության մասին։ Հայտնի փաստ է, որ ծխախոտի ծուխը պարունակում է ավելի քան 4000 տարբեր քիմիական նյութեր, որոնցից 250-ը վնասակար է, իսկ առնվազն 60-ը` քաղցկեղածին: Ի դեպ, շատ վնասակար նյութեր կան նաև էլ․ սիգարետներում և այլ ծխախոտային արտադրատեսակներում։ Քանի որ ծխախոտում պարունակվող նիկոտինը լուրջ կախվածություն առաջացնող նյութ է, ինչքան երկար ես ծխում, այդքան ավելի դժվար կլինի թողնել ծխելը: Ինչևէ, դա բացարձակ չէ․…
Տեղադրված է 30.05.2024 , 09:58…  ավելին →

Ահա և եկավ երկար սպասված ամառը: Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։

Ամբողջ օրը վիրտուալ տիրույթում անցկացնելն այդքան էլ նպատակահարմար է, քանի որ իրական աշխարհում ևս կան շատ հետաքրքիր զբաղմունքներ։ 😊

Առաջարկում ենք մի քանի տարբերակ․

1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող եք ավելի շատ ժամանակ տրամադրել ֆիզիկական վարժանքներին՝ համատեղելով հաճելին և օգտակարը։

2․ Արշավներ․ օգտվեք հնարավորությունից և բացահայտեք մեր երկրի չնաշխարհիկ բնությունը, մշակույթային և պատմական հրաշքները։ Մի՛ մոռացեք անվտանգության կանոնները՝ շոգ եղանակին ցերեկվա ժամերին չգտնվել արևի ուղիղ ճառագայթների տակ, խմել շատ ջուր, կրել թեթև ազատ հագուստ, գլխարկ և արևային ակնոցներ։

3․ Գրքեր․ գիրք կարդալը թե՛ օգտակար է և թե՛ հետաքրքիր։ Կարդալով մենք զարգացնում ենք մեր մտահորիզոնը, ճանաչում նոր երևույթներ և աշխարհին այլ աչքով նայում։ Առաջարկում ենք մի քանի հարթակ, որտեղ դեռահասները կարող են գիրք ընթերցել՝  Dasaran կրթական ծրագիր,  «Գրքամոլ» կայք,  Գրքասեր-օնլայն գրադարան, և այլն։

4․ Օտար լեզու սովորել․ հայտնի ասացվածքն ասում է. «Որքան լեզու գիտես, այնքան մարդ ես»։ Այսօր կան տարբեր առցանց հարթակներ, որոնք տալիս են այդ հնարավորությունը՝ Duolingo, «Քան» ակադեմիա, Quizlet, Memrise, learnenglishkids.britishcouncil.org/, www.bbc.co.uk/learningenglish և այլն։

5․ Արվեստներ, ռոբոտաշինություն, խոհարարություն և այլն․ ինչո՞ւ չիմանալ ավելին երաժշտության, նկարչության, ճարտարապետության և արվեստի մյուս ճյուղերի մասին։ Կամ սովորել ռոբատաշինություն։ Քեզ ձգում են խոհարարության հեռուստահաղորդումները, մասնակցի՛ր պրոֆեսիոնալ խոհարարների վարպետության դասերի։ Միգուցե հենց այդ ընթացքում բացահայտվի քո տաղանդը։ 🙂

6․ Շախմատ և կրթական խաղեր․ ուսուցողական խաղերը և՛ հետաքրքիր են, և՛ օգտակար։ Իսկ շախմատը ոչ միայն զարգացնում է տրամաբանությունը, այլև օգնում կենտրոնանալու և մի շարք այլ հմտություններ զարգացնելու։

Եթե ունես այլ հետաքրքիր գաղափարներ, կիսվի՛ր դրանցով մեր սոց․ խմբերում։ 🙂

 

Հոդվածում օգտագործվել է https://news.am/arm/news/529251.html նյութը։