Լավագույնը հարաբերությունների և սիրո մասին: Ռեալ ժամանակի պայմաններում:

Թողնում ենք ծխելը

Այլ նորություններ

Բարության ինքնաբուխ դրսևորման օր
Այսօր աշխարհի շատ երկրներում նշվում է Բարության ինքնաբուխ դրսևորման օրը (Random Act of Kindness Day): Գաղափարի հեղինակները  միջազգային բարեգործական կազմակերպություններն են, որոնք հավատացած են, որ տարին գոնե մեկ օր պետք է բարություն անել լրիվ անծանոթ մարդկանց: Այդ տոնը այն բացառիկ  տոների շարքից է, որը տոնում են բոլորը՝ անկախ կրոնական կամ ազգային  պատկանելությունից: Մասնագետները համարում են, որ եթե մարդն իր բարության դիմաց ակնկալիք ունի, ապա այդ արարքը չի կարող համարվել բարություն: Այսօր կարելի է, օրինակ` խաղալիքներ տանել…
Տեղադրված է 18.02.2019 , 12:06…  ավելին →

Նոյեմբերի 19-ը Ծխախոտից հրաժարվելու միջազգային օրն է:

Դեռևս 1977 թվականից ԱՄՆ քաղցկեղի ընկերության մասնագետները որոշել են նշել այս օրը յուրաքանչյուր տարվա նոյեմբերի երրորդ հինգշաբթի օրը: Իսկ բժշկական կազմակերպությունները և բուժաշխատողները սատար են կանգնել այս նախաձեռնությանը` ծխախոտի վնասակար ազդեցության վերաբերյալ հասարակությանը տեղեկացնելու և ծխախոտից կախվածությունը նվազեցնելու նպատակով:

Համաձայն ԱՀԿ տվյալների`

  • ամբողջ աշխարհում թոքերի քաղցկեղի մահվան դեպքերի 90%-ը,
  • քրոնիկական բրոնխիտների 75%-ը,
  • սրտի իշեմիկ հիվանդությունների 25%-ը պայմանավորված է ծխախոտի օգտագործմամբ:

Իսկ յուրաքանչյուր 10 վայրկյանը մեկ աշխարհում մահանում է 1 ծխող:

Նույնիսկ տեղեկացված լինելով այս ամենի մասին՝ ոչ բոլորն են շտապում ազատվել նիկոտինային կախվածությունից: Ըստ երևույթի, նրանք կամ չեն գիտակցում ծխախոտի օգտագործման վտանգի չափը, կամ էլ կարծում են, թե այդ խնդիրները իրենց չեն վերաբերում, կամ էլ վնասակար սովորությունը այնքան ուժեղ է, որ հնարավոր չէ հրաժարվել դրանից:

Այս թվերը քեզ չեն վերաբերում, չէ՞ որ դու չես ծխում: Հիանալի′ է: Այդ դեպքում փորձիր համոզել քո ընկերներին և հարազատներին ազատվել այս վնասակար սովորությունից: Նրանք ոչ միայն իրենց, այլ նաև քո և շրջապատող մարդկանց առողջությունն են վնասում` դարձնելով ձեզ պասիվ ծխողներ: Ինչպե՞ս: Կարդա այս նյութը:

Եվ ամենակարևորը, օգնի′ր ընկերոջդ այս դժվար հարցում: Երբ քեզ օգնում և աջակցում են, շատ ավելի հեշտ է, այդպես չէ՞:

Նկարը գտել ենք այստեղ: