Լավագույնը հարաբերությունների և սիրո մասին: Ռեալ ժամանակի պայմաններում:

Ճանաչենք հեպատիտները

Այլ նորություններ

Կրկին մասնագիտությունների մասին
Նոր ժամանակները պահանջում են նոր մասնագիտություններ և նոր հմտություններ: Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին: Մեր օրերում գովազդով կարելի է լավ գումար վաստակել: :-) Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ: Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակով ցուցադրելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն ունեն…
Տեղադրված է 29.07.2021 , 13:52…  ավելին →

Հուլիսի 28-ն ամբողջ աշխարհում նշվում է որպես հեպատիտի դեմ պայքարի համաշխարհային օր (World Hepatitis Day): Օրվան նվիրված միջոցառումները միտված են բնակչության շրջանում տեղեկատվության բարձրացմանը:

 

Տարեկան աշխարհում ավելի քան 1.4 մլն մարդ մահանում է վիրուսային հեպատիտներից և դրա հետևանքով առաջացած լյարդի ցիռոզից և լյարդի քաղցկեղից:

Ըստ Առողջապահության համաշխարհային կազմակերպության տվյալների` շուրջ 300 մլն մարդ վարակված են քրոնիկ հեպատիտ Բ վիրուսով, 170 մլն՝ հեպատիտ Ց վիրուսով:

Հեպատիտներ Բ-ն և Ց-ն փոխանցվում են արյան միջոցով, մորից երեխային, ավելի հազվադեպ` սեռական ճանապարհով: Բավականին մեծ մասնաբաժին են կազմում չվարակազերծված բժշկական գործիքների և ասեղների, ինչպես նաև վարակակրի արյունով աղտոտված որոշ անձնական խնամքի պարագաների, դաջվածքների և պիրսինգի, ներարկային թմրանյութերի միջոցով վարակման դեպքերը:

Արդեն շուրջ 20 տարի է հեպատիտ Ա-ի և Բ-ի դեմ աշխարհում կիրառվում են պատվաստանյութեր, սակայն մինչ այսօր չկա պատվաստում հեպատիտ Ց-ի դեմ: Հատկապես հեպատիտ Ց-ի բուժումը շարունակում է հիմնախնդիր մնալ:

Եղի՛ր իրազեկված և պաշտպանված: