Լավագույնը հարաբերությունների և սիրո մասին: Ռեալ ժամանակի պայմաններում:

Շախմատի տոն

Այլ նորություններ

Ինչ անել արձակուրդներին
Ահա և եկավ երկար սպասված ամառը: Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։ Ամբողջ օրը վիրտուալ տիրույթում անցկացնելն այդքան էլ նպատակահարմար է, քանի որ իրական աշխարհում ևս կան շատ հետաքրքիր զբաղմունքներ։ 😊 Առաջարկում ենք մի քանի տարբերակ․ 1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող եք ավելի շատ ժամանակ տրամադրել…
Տեղադրված է 10.06.2024 , 11:00…  ավելին →

Հուլիսի 20-ը շախմատի միջազգային օրն է (International Chess Day):

Այս օրը նշելու գաղափարն առաջարկել է ՅՈՒՆԵՍԿՈ-ն և 1966 թ.-ին հաստատել Շախմատի համաշխարհային ֆեդերացիան (World Chess Federation)։ Այդ թվականից սկսած այն տոնվում է աշխարհի բոլոր շախմատասերների կողմից։ 1924թ.-ին հենց այս օրն է հիմնադրվել Շախմատի համաշխարհային ֆեդերացիան` ՖԻԴԵ-ն։ Այդ կազմակերպությունը միավորում է տարբեր երկրների շախմատային միությունները, որոնք նպաստում են աշխարհի տարբեր երկրներում շախմատի հանդեպ հետաքրքրության և գիտելիքների բարձրացմանը:

«Շախմատ» բառը առաջացել է պարսկերեն «շահ մատ» բառակապակցությունից, ինչը թարգմանաբար նշանակում է «արքան մահացել է (պարտություն է կրել)»:

Շախմատի հայրենիքը համարվում է Հնդկաստանը։ 5-րդ դարում հենց այստեղ է հայտնվել շախմատի նախատիպը` չատուրանգա խաղը:

Մեր երկիրը ունի շատ լավ ավանդույթներ` կապված շախմատի հետ, այդ թվում տասնյակ տաղանդավոր հայազգի գրոսմեյստերներ և աշխարհի չեմպիոններ:

Հայաստանը նաև առաջին երկիրն էլ, որ ներդրել է շախմատը դպրոցներում որպես պարտադիր առարկա: Ապացուցվել է, որ շախմատը բարելավում է մի շարք իմացական գործընթացներ և նպաստում է երեխաների ուղեղի տրամաբանական, վերլուծական և քննադատական ֆուկցիաների զարգացմանը, օգնում է պահպանել մեծահասակների մտավոր ունակությունները 🙂