Լավագույնը հարաբերությունների և սիրո մասին: Ռեալ ժամանակի պայմաններում:

Օնլայն vs. օֆֆլայն կրթություն

Այլ նորություններ

Նոր բացահայտումներ մեր օրգանիզմի մասին
Հոլանդացի գիտնականները վերջերս ի հայտ են եկել սենսացիոն հայտարարությամբ` մարդու օրգանիզմում հայտնաբերվել է նոր օրգան, որը մինչ այդ չէր նկարագրվել:  :-o Այդ զարմանահրաշ բացահայտումը Հոլանդիայի Ուռուցքաբանության Ինստիտուտի բժիշկների կողմից լրիվ պատահական էր և կատարվել էր պացիենտների սկանավորման ընթացքում: Նկարների վրա հայտաբերվել են թքագեղձեր հիշեցնող կառուցվածքներ, որոնք տեղակայվել են քթի խոռոչի և ըմպանի միացման հատվածում: Դարեր ի վեր անատոմների կողմից նկարագրված են եղել երեք խումբ թքագեղձեր, որոնք տեղակայված են հարականջային, ստործնոտային և ենթալեզվային հատվածներում: Իսկ այս…
Տեղադրված է 27.11.2020 , 22:53…  ավելին →

Նոր ուսումնական տարվան ընդառաջ ճիշտ ժամանակն է խոսելու օնլայն կամ առցանց կրթության առավելությունների և թերությունների մասին:

Կորոնավիրուսային համավարակի իրականության պայմաններում գրեթե բոլորն անցան օնլայն կրթության, որը նորույթ էր շատերի համար։ Դեռևս տասը տարի առաջ այս երևույթը զարմանք կառաջացներ գրեթե բոլորի մոտ, իսկ այսօր շատերն անկախ տարիքից, ողջունում են կրթություն ստանալու այս եղանակը, որից օգտվում են թե՛ երիտասարդները, թե՛ մեծահասակաները: Եվ այսպես, հասկանանք` ինչ առավելություններ ու թերություններ ունեն օնլայն և օֆֆլայն կրթությունը։

Օնլայն կրթության առավելություններն են՝

  • խնայում ես ժամանակդ և կարող ես այն ավելի արդյունավետ օգտագործել (օրինակ` ինքնուսուցման, ինքնազարգացման և ինքնաբացահայտման համար),
  • սովորելու համար պետք չէ հասնել դպրոց կամ համալսարան, և տանից սովորելով` կարող ես չմտածել տրանսպորտի մասին,
  • կարող ես մասնակցել դասին և միաժամանակ սնվել 🙂
  • կարող ես համատեղել դասն ու սիրելի հոբբին։

Օնլայն կրթության հիմնական թերություններն են՝

  • բացակայում է անձնային շփումը,
  • բավականին հաճախ պատահում են կապի և տեխնիկայի հետ կապված խնդիրներ, և ոչ միշտ ես կարողանում արդյունավետորեն մասնակից լինել դասերին։ 🙁

… Որոշ մեծահասակ ուսուցիչների/ դասախոսների համար առցանց դասերին պատրաստվելը և վարելը բավականին անսովոր էր, հատկապես սկզբնական շրջանում:

 

Օֆֆլայն կրթության առավելություններն են՝

  • անմիջականորեն շփվում ես ուսուցչիդ և դասընկերներիդ հետ,
  • դպրոցում/համալսարանում միջավայրը տրամադրող է սովորելու համար: 🙂

Օֆֆլայն կրթության հիմնական թերություններն են՝

  • ունես ֆիքսված դասացուցակ,
  • ծախսում ես հավելյալ ժամանակ և էներգիա։ 🙁

 

Ի դեպ.

Օնլայն ուսուցումը կրթության կազմակերպումն է տարածության մեջ` օգտվելով նորագույն տեխնոլոգիաներից (հեռահաղորդակցման գործիքներ, վեբ տեխնոլոգիաներ, աուդիո- և տեսանյութեր, այլ մեդիա նյութեր):

 

Օնլայն ուսուցումը կարող է իրականացվել համաժամանակյա (synchronous learning) և անհամաժամանակյա (asynchronous learning) ձևաչափերով, որոնք իրենց հերթին ունեն այլ տարատեսակներ:

  • Համաժամանակյա ուսուցման (synchronous learning) ժամանակ պահպանվում է կենդանի կապ մասնակիցների միջև։ Օրինակ` անհատականացված ուսուցում կամ ուղիղ հեռարձարկմամբ վեբինար (live streaming) բազմահազարանոց լսարանի համար:
  • Անհամաժամանկյա ուսուցումը (asynchronous learning) իրականացվում է օնլայն հարթակների միջոցով 7/24 ժամանակացույցով: 

Իսկ դու կրթության ո՞ր տարբերակն ես նախընտրում՝ օնլա՞յն, թե՞ օֆֆլայն։

 

Պատրաստեցին  Կամո Գալստյանը և Ազատ Հարությունյանը: