Այլ նորություններ
Ճարպակալման դեմ պայքարի համաշխարհային օր
Մարտի 4-ը ճարպակալման դեմ պայքարի համաշխարհային օրն է (World Obesity Day): Առողջապահության համաշխարհային կազմակերպության Մանկական ճարպակալման համաճարակաբանական հսկողության եվրոպական նախաձեռնության (COSI) տվյալներով Հայաստանում 7-8 տարեկան երեխաների 27.7%-ն ավելորդ քաշ ունի, 12.6%-ը` ճարպակալում։ Ընդ որում, ավելորդ քաշով և ճարպակալմամբ տղաների թիվը հասնում է 30%-ի, աղջիկներինը՝ 25%-ի: Համաձայն Հայաստանի Դպրոցականների առողջության վարքագծի հետազոտության (HBSC)՝ 11 տարեկան տղաների 31%-ը, աղջիկների 17%-ը, 13 տարեկան տղաների 27%-ը, աղջիկների 15%-ը, 15 տարեկան տղաների 25%-ը, աղջիկների 12%-ն ավելորդ քաշ կամ ճարպակալում ունի։…
Տեղադրված է 04.03.2025 , 14:02…
ավելին →
Մայիսի 7-ին նշվում է ռադիոյի ծննդյան օրը:
1895 թվականի մայիսի 7-ին ռուս ֆիզիկոս Ալեքսանդր Պոպովը հայտնագործեց առաջին ռադիոընդունիչը և ապացուցեց զինվորականներին, որ կարելի է փոխանցել ռադիոհաղորդագրություններ ռուսական նավատորմից Կրոնշտադ: Այդ օրն էլ դարձավ Ռուսաստանում և այնուհետև նաև Սովետական Միությունում «Ռադիոյի օր»: Հետագայում Օլիվեր Լոջը կատարեց փոփոխություններ, իսկ ռադիոհամակարգի առաջին մեծամասշտաբ նախագիծը 1895 թվականին առաջարկեց Գուլելմո Մարկոնին: Այն կյանքի կոչվեց 1901 թվականին, երբ Մարկոնին Ատլանտյան օվկիանոսի վրայով հաղորդագրություն ուղարկեց Կորնուելից (Անգլիա) Նյուֆաունդլենդ (Կանադա):
Ռադիոյի ստեղծումը շատ բան փոխեց մարդկանց կյանքում և դարձավ այսօրվա լրատվամիջոցների նախահայրը:
Ռադիոն ոչ միայն լրատվամիջոց է, այլ կարևոր մշակութային և գիտակրթական հաստատություն: Այսօր էլ, չնայած համացանցի և առցանց տեխնոլոգիաների լայն տարածման, ռադիոն շարունակում է այդ գործընթացը: Համացանցի զարգացումները լրատվամիջոցներին տանում են այլ ուղղությամբ, և ռադիոները փորձում են վիզուալացնել իրենց նյութերը տեսանյութերի միջոցով:
Այսօր ոչ միայն ռադիոյի, այլ մնացած լրատվական և կապի միջոցների մասնագետների պրոֆեսիոնալ տոն է, բոլոր նրանց, ովքեր օպերատիվ տեղեկացնում և իրազեկում են մարդկանց բոլոր իրադարձությունների մասին, ռադիոալիքների միջոցով միաձուլում մարդկանց գործերը, մտքերը և հոգիները:
Իսկ դու լսո՞ւմ ես ռադիո: 🙂 Գրիր այդ մասին մեր խմբում:
