Լավագույնը հարաբերությունների և սիրո մասին: Ռեալ ժամանակի պայմաններում:

Նոյեմբերի 14-ը Շաքարային դիաբետի դեմ պայքարի միջազգային օրն է

Այլ նորություններ

ՁԻԱՀ-ի դեմ պայքարի համաշխարհային օր
Դեկտեմբերի 1-ը ՁԻԱՀ-ի դեմ պայքարի համաշխարհային օրն է: Օրվա նպատակն է բարձրացնել իրազեկվածությունը, միահամուռ ուժերով պայքարել ՄԻԱՎ/ՁԻԱՀ-ի դեմ, խոսել հիվանդության կանխարգելման միջոցառումների, պացիենտների բուժման մասին։ «Արաբկիր» ԲՀ-ԵԴԱԻ-ի մասնագետների կողմից մի քանի տարի առաջ ստեղծվել են երիտասարդ լսարանին ուղղված ֆիլմեր՝ ՄԻԱՎ-ով ապրող մարդկանց նկատմամբ հասարակությունում խարանի և խտրական վերաբերմունքի դեմ ուղղված ծրագրի շրջանակներում: Ֆիլմերը հասանելի են «Օգտակար ռեսուրսներ» բաժնում։ Մեր կայքում կարող ես գտնել նաև մի շարք հոդվածներ ՄԻԱՎ-ի մասին։ Եղի՛ր իրազեկված և պաշտպանված։  
Տեղադրված է 01.12.2023 , 14:00…  ավելին →

Նոյեմբերի 14-ը նշվում է ի հիշատակ ինսուլին հայտնագործած կանադացի գիտնական Ֆրեդերիկ Բանթինգի (Frederick Banting), ում ծննդյան օրն էլ հռչակվել է շաքարային դիաբետի դեմ պայքարի միջազգային օր (World Diabetes Day):

Այդ օրվա միջոցառումները ուղղված են մարդկանց շրջանում հիվանդության մասին իրազեկության բարձրացմանը:

Ամբողջ աշխարհում նկատվում է շաքարային դիաբետի դեպքերի ավելացում և հիվանդության բարդություններով պայմանավորված հաշմանդամության և մահացության աճ: Չնայած շաքարախտը չի բուժվում, սակայն ինսուլինի շնորհիվ հնարավոր է արդյունավետորեն վերահսկել հիվանդության ընթացքը: Այդ հորմոնն օգնում է հյուսվածքներին յուրացնել գլյուկոզան և նորմալացնել նյութափոխանակությունը:

Ի դեպ, 2-րդ տեսակի շաքարային դիաբետի կանխարգելման համար արդյունավետ են առողջ կենսակերպի, ճիշտ սնվելու և նորմալ քաշի պահպանման ուղղությամբ պարզ գործողությունները:

Առողջ սնուցման և ֆիզիկական ակտիվության, ինչպես նաև քրոնիկ հիվանդությունների կանխարգելման մասին կարդացեք մեր կայքում: