Լավագույնը հարաբերությունների և սիրո մասին: Ռեալ ժամանակի պայմաններում:

Նորություններ ՄԻԱՎ/ՁԻԱՀ-ի մասին

Այլ նորություններ

Ինչպես ճանաչել գերհոգնածությունը
Գերհոգնածությունը առաջանում է երկարատև ֆիզիկական կամ մտավոր ակտիվության հետևանքով։ Այն կարող է ի հայտ գալ հանկարծակի կամ աստիճանաբար և սովորաբար վերանում է հանգստից հետո։ Մտավոր հոգնածությունը նորմալ ճանաչողական գործունեության իրականացման ժամանակավոր անկարողություն է։ Սովորաբար զարգանում է աստիճանաբար։ Գերհոգնածության հոգեհուզական նշաններից են տրամադրության անկումը, ուշադրությունը պահպանելու և կենտրոնանալու դժվարությունը, քնկոտությունը, քնի և ախորժակի խանգարումները, սովորելու դժվարությունները, սոցիալական շփումների խանգարումը, հաճույքի և բավարարվածության զգացումի կորուստը։ :-( Ֆիզիկական հոգնածությունը կապված է ֆիզիկական աշխատանքի հետ։ Թեթևակի հոգնածության նշաններն են՝…
Տեղադրված է 16.02.2024 , 13:26…  ավելին →

Դեկտեմբերի 1-ին ամբողջ աշխարհում նշվում է ՁԻԱՀ-ի դեմ պայքարի համաշխարհային օրը:

Այս տարի, COVID-19 համավարակով պայմանավորված` ՄԻԱՎ-ի խնդրին ուղղված միջոցառումները կարծես թե այնքան էլ համատարած չէին: Ինչևէ, ՄԻԱՎ-ի դեպ պայքարի ոլորտում ևս կան հետաքրքիր զարգացումներ:

Չնայած առ այսօր ՄԻԱՎ/ՁԻԱՀ-ը համարվում է անբուժելի հիվանդություն, այն հատուկ դեղորայքի շնորհիվ ենթարկվում է արդյունավետ կառավարման: Ավելին, աշխարհի մի շարք երկրներում ակտիվորեն շարունակվում են ՄԻԱՎ-ի կանխարգելման և բուժման նոր մեթոդների ուղղությամբ հետազոտությունները:

Այսպես, բիոտեխնոլոգիաների ոլորտում մասնագիտացված «Մոդերնա» ընկերությունը ՄԻԱՎ 2020թ. միջազգային կոնֆերանսին ներկայացրել է կապիկների վրա փորձարկվող պատվաստանյութի ազդեցության արդյունքները: Պատվաստանյութը ցույց է տվել որոշակի արդյունավետություն` օրգանիզմում առաջացնելով վիրուսանման հատուկ բջիջներ, որոնք ճանաչվում և ոչնչացվում են իմունային համակարգի կողմից:

Ի դեպ, նույն մեխանիզմով աշխատում են տարիներ առաջ ներդրված և բարձր արդյունավետություն ունեցող հեպատիտ Բ-ի և մարդու պապիլոմավիրուսի դեմ պատվաստանյութերը:  😮

Այնուամենայնիվ, պատվաստանյութի փորձարկումները կապիկների վրա ցույց տվեցին, որ այն ակտիվ է ՄԻԱՎ-վիրուսի ոչ բոլոր տարատեսակների դեմ, ինչը այնքան էլ հուսադրող չէ:

Փորձարկումները շարունակվում են: