Լավագույնը հարաբերությունների և սիրո մասին: Ռեալ ժամանակի պայմաններում:

Մեր մարմնի չբացահայտված գաղտնիքների շարքից

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

Երբևէ մտածել ես, թե ինչի՞ համար մարդիկ ունեն «կույրաղիք» (տերմինը ճշգրիտ չէ): 🙂

Հաստ աղու փոքրիկ, միջինում 10 սմ երկարություն ունեցող հատվածը` կույր աղու որդանման ելունը, մեր նախնիների մարսողական տրակտի կարևոր մասն էր կազմում: Այն մասնակցում էր բուսական սննդի մարսմանը: Իսկ այժմ որդանման ելունը անվանում են ռուդիմենտար օրգան, ինչը նշանակում է, որ օրգանը կորցրել է իր ֆունկցիան: Դրա ապացույցն է այն փաստը, որ օրգանը հեռացնելուց հետո, ինչպես դա կատարվում է բորբոքման ժամանակ, մեր օրգանիզմում որևէ բացասական բան տեղի չի ունենում: 😮

Սակայն պարզվում է, որ այդ օրգանը էվոլյուցիայի ընթացքում ստացել է որոշակի ֆունկցիաներ: Որոշ հետազոտություններ ապացուցել են, որ այստեղ ապրում են հազար տեսակի մանրէներ, այդ թվում ունիկալ, որոնք չեն հանդիպում հաստ աղու այլ հատվածներում:

Գիտնականները կարծում են, որ որդանման ելունը ծառայում է որպես վարժեցման բազա մեր իմունային (պաշտպանական) համակարգի համար, քանի որ այնտեղ իմունային բջիջները սովորում են ճանաչել և պայքարել օտարածին վնասակար մանրէային սպառնալիքների դեմ: Ամենայն հավանականությամբ, դա ակտիվորեն տեղի է ունենում մարդու ներարգանդային կյանքի ընթացքում: Սա ներկայումս ամենաընդունված վարկածն է:

Ի դեպ, այն ինչ ժողովրդական խոսքերով անվանում են «կույրաղիք», իրականում կույր աղու որդանման ելունն է (ապենդիքս), իսկ այդ օրգանի բորբոքումը կոչվում է ապենդիցիտ: