Լավագույնը հարաբերությունների և սիրո մասին: Ռեալ ժամանակի պայմաններում:

Մեկ օր առանց համացանցի

Այլ նորություններ

Հոգեկան առողջությունը առցանց տիրույթում
Առցանց լինելը մեծ հնարավորություններ է տալիս հաղորդակցվելու, սովորելու և կիսվելու կարևոր նորություններով, բայց նաև մարտահրավերներ է պարունակում: Եթե ​​սոցիալական մեդիան երբևէ ստիպել է ունենալ նախանձի, միայնակության կամ անհանգստության զգացում, ցածր ինքնագնահատական, կարդա՛ այս հոդվածը (1-ին մասն այստեղ)։ Շարունակում ենք ներկայացնել այն խորհուրդները, որոնք կօգնեն հոգալ քո հոգեկան առողջության մասին առցանց տիրույթում: Ընտրի՛ր բարությունը․ Օգտագործիր սոցիալական մեդիան՝ կիսվելով դրական և աջակցող բովանդակությամբ և հաղորդագրություններով քո ընկերների և հարազատների հետ: Օրինակ՝ կարող ես գրել, որ մտածում ես…
Տեղադրված է 03.02.2025 , 12:21…  ավելին →

Հունվարի 31-ին նշվեց Առանց համացանցի միջազգային օրը (International Internet-Free Day):

Այն` հունվարի վերջին կիրակի օրը առաջարկեցին նշել բրիտանացի օգտատերերը:

Օրվա խորհուրդն է` մեկ օրով շեղել մարդկանց համակարգիչների, հեռախոսների և պլանշետների էկրաններից, որպեսզի նրանք կարողանան վայելել իրական, առերես շփումը և ոչ վիրտուալ կյանքը:

Այսօր արդեն դժվար է պատկերացնել, թե ինչպես էին առաջներում մարդիկ ապրել առանց համացանցի:  Նաև COVID-19 համավարակը մարդկանց ստիպեց էլ ավելի շատ ժամանակ անցկացնել վիրտուալ տիրույթում: 🙁

Ցանկանո՞ւմ ես իմանալ, թե ինչ կփոխվի քո կյանքում առանց համացանցի: Մասնակցիր այդ չելենջին և առնվազն մեկ օրով փորձիր հրաժարվել համացանցից: Եվ գոնե միայն այդ օրը,  օգտվելով առիթից, այցելիր թանգարան, գրադարան կամ ցուցահանդես, զբոսնիր ընկերներիդ հետ, այցելիր այն մարդկանց, ում վաղուց չես հանդիպել, ժամանակ անցկացրու բնության գրկում: Եվ դու կհամոզվես, որ ժամանակ առ ժամանակ կարելի է և նույնիսկ անհրաժեշտ է կտրվել գաջեթներից 🙂

Առանց համացանցի միջազգային օրը ապացուցում է, որ իրական աշխարհը շատ ավելի հարուստ է և բազմազան, քան վիրտուալ տիրույթը: