Ձմռանը մաշկը հատուկ խնամք է պահանջում։ Մաշկն առողջ պահելու համար պետք է խուսափել որոշ գործոններից․

Շատ տաք ջրով, երկարատև լոգանքը և ցնցուղները, օճառի ամենօրյա կիրառումը կարող են նպաստել մաշկի չորացմանը՝ մաքրելով բնական ճարպային թաղանթը:
Ձեռքերի հաճախակի լվացումը կարող է հանգեցնել ձեռքերի չորացման և ճաքերի: Լվանալուց հետո պարտադիր  կիրառեք խոնավացնող և սնուցող նրբաքսուքներ։ Լվացվելուց հետո անմիջապես դուրս մի՛ եկեք սառը օդին, առնվազն 20-30 րոպե մնացեք սենյակային ջերմաստիճանի պայմաններում:

Կոշտ մաքրող (դեզինֆեկցող) միջոցների օգտագործումը կարող է բերել մաշկի չափից ավելի չորացման և ավելացնել ցրտահարության հավանականությունը: Oգտագործե՛ք ձեռնոցներ։
Անբավարար խոնավացում. մաշկի չորությունից և գրգռվածությունից խուսափելու նպատակով ընտրե՛ք համապատասխան խոնավացնող և սնուցող կրեմներ և նրբաքսուքներ՝ ձեր մաշկին համապատասխան։
 Ցրտից և սառը քամուց չպաշտպանվելը կարող է հանգեցնել մաշկի վնասման և ճաքերի առաջացման: Կրե՛ք ձեռնոցներ և շարֆեր՝ խոցելի մաշկը պաշտպանելու համար:
 Կենտրոնական ջեռուցմամբ սենյակում մշտապես գտնվելը կարող է չորացնել մաշկը: Հարմարավետ խոնավության մակարդակը պահպանելու համար օգտագործե՛ք խոնավացուցիչներ:
 Ձմռանը ջրի անբավարար ընդունումը կարող է հանգեցնել մաշկի ջրազրկման: Խմե՛ք բավականաչափ հեղուկներ:
 Արևից պաշտպանության անտեսում. ուլտրամանուշակագույն ճառագայթները վնասակար են ամբողջ տարին, ներառյալ` ամպամած և ձնառատ օրերին: Օգտագործե՛ք արևապաշտպան քսուք՝ առնվազն 30 SPF-ով, նույնիսկ` ձմռանը:

Նյութի աղբյուր՝ ՀՀ Առողջապահության նախարարություն