Լավագույնը հարաբերությունների և սիրո մասին: Ռեալ ժամանակի պայմաններում:

Կրկին շփման մասին

Այլ նորություններ

Նոր տեսանյութեր դեռահասների համար
Սիրելի՛ դեռահաս, Արդեն հասանելի են նոր զվարճալի տեսանյութեր դեռահասներին հուզող թեմաներով, որոնք ստեղծվել են Ջինիշյան հիշատակի հիմնադրամի կողմից, «Արաբկիր» ԲՀ-ԵԴԱԻ մասնագետների հետ համագործակցությամբ։ Տեսանյութերը նվիրված են էներգետիկ ըմպելիքներին, էլեկտրոնային ծխախոտի վտանգներին, մարմնի սահմաններին և մարմնի ընկալման հետ կապված խնդիրներին։ Համոզված ենք, որ կհավանես մեր նորաստեղծ տեսանյութերը, քեզ արդեն ծանոթ հերոսների մասնակցությամբ :-) Եղի՛ր տեղեկացված և իրազեկի՛ր նաև ընկերներիդ։   Մարմնի սահմանները Մարմնի ընկալում Էլեկտրոնային սիգարետների վտանգները Էներգետիկ ըմպելիքների վտանգները։  
Տեղադրված է 06.06.2025 , 12:28…  ավելին →

Շարունակելով դեռահասների և ծնողների արդյունավետ շփման թեման, ավելացնենք կարևոր խոսքերի ցանկը: Այն խոսքերի, որոնք դեռահասը ցանկանում է լսել ծնողներից:

  • Քննությունը կարևոր է, բայց այն դեռ ամեն ինչ չէ: Եթե ձախողեցիր, կյանքդ չի ավարտվի: Առհասարակ, կյանքում միշտ կարելի է գտնել այլ ուղիներ նպատակին հասնելու համար: Իսկ երբ ամենահարազատ մարդիկ չեն քաջալերում, այլ հակառակը` նույնիսկ պախարակում են, ամեն ինչ շատ ավելի տխուր է թվում:  🙁 Ուրեմն, թույլ տվեք երեխային երբեմն և պարտվել, կյանքում պատահում է և այդպես: Ասացեք, որ նրա կողքին եք և կօգնեք, որպեսզի նա հաջողության հասնի: Միասին դիտարկեք այլ ուղիներ դրված նպատակին հասնելու համար կամ փնտրեք ալտերնատիվ տարբերակներ:
  • Ես քեզ համարում եմ բավականին հասուն անձ և հարգում եմ քո զգացմունքները և քո որոշումը: Մեծահասակներին դժվար է ընդունել այն փաստը, որ իրենց երեխան արդեն մեծացել է և կարող է սեփական որոշումներ կայացնել: Ծնողները ձգտում են երեխայի փոխարեն որոշել և լուծել նրա խնդիրները: Մինչդեռ, դեռահասի համար շատ վիրավորական է լսել` «դու դեռ փոքր ես ինքդ որոշելու համար»: 🙁  Փորձեք թույլ տալ դեռահասին սովորել սեփական սխալների վրա: Մնացեք նրա կողքին, հուշեք, երբ նա ցանկանում է լսել ձեր կարծիքը, բայց մի պնդեք, որ նա անի ըստ ձեր ասածի:
  • Ես կարող եմ սխալվել: Երբեմն ես էլ չգիտեմ, թե ինչպես վարվել: Հիշեք սեփական մանկությունը և դեռահասությունը: Հիշեք ձեր զգացմունքները, վախերը, տարակուսանքները, երբ սիրահարված էիք կամ վախենում էիք քննություններից: Ասացեք այդ մասին դեռահասին, խոստովանեք, որ դուք էլ եք դժվարանում որոշումներ կայացնել և կարող եք սխալվել:  🙂 Դա միայն կամրապնդի ձեր հարաբերությունները և փոխադարձ վստահությունը:
  • Այս տարին շատ դժվար էր եղել: Ես կանեմ ամեն ինչ, որ օգնեմ քեզ հաղթահարել դժվարությունները: Իհարկե, դժվար է քեզ զգալ անօգնական և չունենալ հնարավորություն պաշտպանելու երեխային բոլոր դժվարություններից: Պետք է փորձել լսել երեխային և հասկանալ` «մտնելով նրա կաշվի մեջ» և պարզապես մնալ նրա կողքին, որ նա իրեն միայնակ չզգա: Եվ համոզված եղեք, որ ամեն ինչ կստացվի:

 

Աղբյուր՝ mel.fm