Լավագույնը հարաբերությունների և սիրո մասին: Ռեալ ժամանակի պայմաններում:

Կինոյի միջազգային օր

Այլ նորություններ

Սիրո՞ւմ ես ուտելիք պատրաստել
Հոկտեմբերի 20-ին նշվեց Խոհարարի միջազգային օրը (International Chefs Day): Օրն ընտրվել է 2004 թվականին խոհարարների միջազգային ասոցիացիայի առաջարկով: Ի դեպ, այդ ասոցիացիան ունի խոհարարության ոլորտում տարբեր երկրներ ներկայացնող ավելի քան 8 միլիոն անդամ: Ուստի զարմանալի չէ, որ համաշխարհային խոհանոցի վարպետները տոնում են իրենց տոնը: Այսօր արդեն տոնը նշում են աշխարհի ավելի քան 70 երկրում:   Խոհարարի մասնագիտությունն աշխարհում ամենահինն է և ամենապահանջվածը: Ինչպես վկայում է լեգենդը, այս ոլորտի անվանումը պայմանավորված է մի կնոջ անվամբ: Հին հույները ունեին բժշկության…
Տեղադրված է 21.10.2019 , 12:25…  ավելին →

Դեկտեմբերի 28-ին նշվեց կինոյի միջազգային օրը: Այն կինեմատոգրաֆների, դերասանների, սցենարիստների, ռեժիսորների և առհասարակ կինոյի նվիրյալների, ինչպես նաև այդ զարմանալի արվեստի սիրահարների տոնն է:

Կինոյի ծննդյան օրը համարում են 1895 թ.-ի դեկտեմբերի 28-ը, երբ փարիզյան «Գրանդ կաֆե»-ում ցուցադրվել է Լյումիեր եղբայրների սինեմատոգրաֆիայի առաջին սեանսը հանրության լայն շրջանակի համար` «Գնացքի ժամանումը Լա Սյոտա կայարան» կարճամետրաժ ֆիլմը: Այն իսկական իրարանցում էր առաջացրել Ֆրանսիայի մայրաքաղաքում: Ֆիլմի ցուցադրությանը հրավիրված բոլոր ներկաները ուղղակի սարսափահար էին եղել՝ տեսնելով մեծ էկրանից մոտեցող գնացքը 🙂 : Նրանց թվում էր, թե այն ուր որ է՝ կճզմի իրենց, ինչի պատճառով էլ խուճապահար փախչում էին:

Նույն թվականին ֆրանսիացի Օգյուստ և Լուի Լյումիեր եղբայրներն իրենց հայտնագործած «Սինեմատոգրաֆ» սարքի պատենտն էին ստացել:

Առաջին ֆիլմի ցուցադրությունից հետո կինոարտադրությունը մեծ ճանապարհ է անցել ու առաջընթաց ապրել` համր կինոյից և սևուսպիտակ ժապավենից`դեպի թվային տեխնոլոգիաներ: Այսօր արդեն ֆիլմի նկարահանումն ու դիտումը սովորական են դարձել ամեն մարդու կյանքում: Իսկ ֆիլմարտադրությունն ու կինոն դեռ շարունակում են զարգանալ՝ մնալով ամենապահանջված ու ներդրումային ոլորտն աշխարհում: