Ցանկանո՞ւմ ես իմանալ ծխախոտի բոլոր ազդեցությունների մասին և թե ինչպիսի օգուտներ կստանաս` թողնելով ծխելը:
Ծխախոտի ծուխը պարունակում է ավելի քան 4000 տարբեր քիմիական նյութեր, որոնցից 250-ը վնասակար է, իսկ առնվազն 60-ը` քաղցկեղածին: Հայտնի է, որ ծխախոտում պարունակվող նիկոտինը լուրջ կախվածություն առաջացնող նյութ է, ուստի ինչքան երկար ես ծխում, այդքան ավելի դժվար կլինի թողնել ծխելը: Ինչևէ, դա բացարձակ չէ: Թողնել հնարավոր է:
Նախ հիշիր, որ անկախ այն փաստից, թե քանի տարի ես ծխում և ինչքան շատ, թողնելը միշտ դրական է քո առողջության համար 🙂
Թողնելով ծխելը` նվազեցնում ես մի շարք վտանգավոր հիվանդությունների ռիսկը, ի դեպ, ոչ միայն` քաղցկեղի, այլ նաև ինֆարկտի, կաթվածի, թոքերի էմֆիզեմայի, ասթմայի և այլ լուրջ խնդիրների: Օրինակ` մեկ տարի չծխելու դեպքում կրկնակի իջնում է սրտի իշեմիկ հիվանդության ռիսկը:
Միաժամանակ, պակասացնում ես շրջակա միջավայրի աղտոտվածությունը 🙂 և քեզ շրջապատող մարդկանց մոտ շնչառական և մի շարք այլ հիվանդությունների զարգացման հավանականությունը:
Երբե՛ք ուշ չէ թողնել ծխելը և նվազեցնել ծխախոտի թողած վնասները:
Ավելին կարդա այս հոդվածում: