Լավագույնը հարաբերությունների և սիրո մասին: Ռեալ ժամանակի պայմաններում:

Fashion AIDS Line դիզայներների միջազգային մրցույթի Հայաստանյան մեկնարկը

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Դեկտեմբերին 22-ին Հայաստանի Նկարիչների միությունում տեղի ունեցավ յուրահատուկ միջոցառում` Fashion AIDS Line դիզայներների միջազգային մրցույթը, որը միավորում է ՄԻԱՎ-ի դեմ պայքարողներին։ Նաիրա Նիազյանի նախաձեռնությամբ Հայաստանի ութ տաղանդավոր երիտասարդ մոդելավորողները և ՄԱԿ-ի գրասենյակը տվեցին պայքարի մեկնարկ` ՄԻԱՎ/ՁԻԱՀ-ի մասին տեղեկացվածությունը բարձրացնելու, ՄԻԱՎ կարգավիճակն իմանալու, կանխարգելման և բուժման ճիշտ միջոցներ ձեռնարկելու և ՄԻԱՎ-դրական մարդկանց իրավունքները պաշտպանելու նպատակով:  Հայ մոդելավորողները ներկայացրեցին ՄԻԱՎ-ի դեմ պայքարի իրենց տեսլականը։

Հայաստանում Fashion Aids Line-ի կազմակերպիչներն են ՄԻԱՎ/ՁԻԱՀ-ի հարցերով ՄԱԿ միավորված ծրագրի հայկական գրասենյակը և Yerevan Fashion Week «Golden Lace» նորաձևության շոուն։ Մրցույթի նպատակն է նորաձևության միջոցով գրավել հայ հասարակության, հատկապես երիտասարդների ուշադրությունը ՄԻԱՎ/ՁԻԱՀ-ի խնդրի նկատմամբ, թույլ չտալ ՄԻԱՎ-ով ապրող մարդկանց նկատմամբ խտրականության ցանկացած դրսևորում և կոտրել կարծրատիպերը, որոնք խանգարում են մարդկանց ՄԻԱՎ թեստավորում անցնել։

Աղբյուրներ`  https://armeniasputnik.am/society/20171223/9929694/FashionAidsLine.html

http://yerevanlife.am/archives/34239