Լավագույնը հարաբերությունների և սիրո մասին: Ռեալ ժամանակի պայմաններում:

Ձմերուկի տոն

Այլ նորություններ

Ինչպե՞ս ասել «Ոչ»
Արդյոք եղե՞լ են իրավիճակներ, երբ դու ստիպված ես եղել անել մի բան, ինչը քեզ դուրեկան չէր: Օրինակ,  պատրաստվում ես դիտել տեսաֆիլմ կամ գնալ մարզասրահ, իսկ ընկերդ խնդրում է օգնել դասերի հետ: Դու ստիպված օգնում ես ընկերջոդ, բայց հոգու խորքում նեղվում ես այդ իրավիճակից: :-( «Ո′չ» ասելը շատ կարևոր է մեր անձնական սահմանները պաշտպանելու համար։ Անձնական սահմանը՝ այն տարածությունն է, որը մենք դնում ենք ուրիշների հետ ընդունելի հարաբերությունները կարգավորելիս: Դա անտեսանելի գիծ է, որը բաժանում է…
Տեղադրված է 23.01.2023 , 12:38…  ավելին →

Ի՞նչ ամառ, առանց ձմերուկի:

Մեծերի և փոքրերի սիրելի կարմիր հատապտուղը (այո՛, գիտնականները պնդում են, որ ձմերուկը հատապտուղ է) հասնում է հուլիս – օգոստոս ամիսներին, քաղցրանում և ուրախացնում է բոլորին:

Իսկ այսօր՝ օգոստոսի 3-ին, նշվում է Ձմերուկի օրը (Watermelon Day): Այդ տոնը գալիս է ԱՄՆ-ից, որտեղ այն նշվում է որպես ազգային տոն, իսկ երկիրը զբաղեցնում է առաջին տեղը ձմերուկի օգտագործման առումով: Ի դեպ այս տոնը հանդիսավոր կերպով նշում են մի շարք երկրներում, օրինակ` Չինաստանում ձմերուկն ունի իր ազգային տոնը:

Հետաքրքիր փաստեր ձմերուկի  մասին.

  • Ձմերուկն աճեցրել են դեռ Հին Եգիպտոսում. ձմերուկի կորիզներ գտել են նաև փառավոնների դամբարաններում, այն հայտնի էր նաև Հին Հռոմում և  Չինաստանում:
  • Կան սպիտակ և դեղին ձմերուկի տեսակներ, որոնք նույնքան քաղցր են, ինչպես կարմիր ձմերուկը:
  • Ճապոնիայում աճեցնում են քառակուսի ձևի ձմերուկ, որն ավելի հեշտ է տեղափոխել:
  • Ձմերուկն ունի ջրի շատ բարձր պարունակություն, ուստի հրաշալի միջոց է շոգի դեմ պայքարելու համար:
  • Ձմերուկը պարունակում է հակաօքսիդանտներ` լիկոպին, կարոտինոիդներ (վիտամին Ա-ի նախանյութ), վիտամիններ B6, C, ֆոլաթթու, մագնեզիում, ամինաթթու ցիտրուլին և այլ օգտակար նյութեր:

 

Համոզված ենք, դու էլ ես ձմերուկ սիրում, այնպես որ շտապի՛ր նշել տոնը: