Լավագույնը հարաբերությունների և սիրո մասին: Ռեալ ժամանակի պայմաններում:

Այսօր աշխարհը հիշում է ՄԻԱՎ/ՁԻԱՀ-ից մահացածներին

Այլ նորություններ

Ինչպես հաղորդակցվել դժվար իրավիճակում
Արտակարգ իրավիճակներում հաղորդակցումը պահանջում է ավելի մեծ զգայունություն և հոգատարություն: Բնականաբար բոլորս շատ ազդվում ենք ներկայիս իրավիճակից: Սակայն բոլորիս հակազդումները կարող են լինել շատ տարբերվող և դա կարող է բերել հաղորդակցման տարբեր խնդիրների և կոնֆլիկտների: :-( Հոգեբանների կողմից առաջարկած հետևյալ կետերը կարող են օգնել խուսափել այդ դժվարություններից և ուժեղացնել մեր հոգատարությունը միմյանց հանդեպ: Նյութի աղբյուր՝  Aystegh Psychology Lab
Տեղադրված է 25.09.2023 , 11:09…  ավելին →

Ամեն տարի, մայիսի երրորդ կիրակի օրը նշվում է որպես ՁԻԱՀ-ից մահացածների հիշատակի օր (World Remembrance Day of AIDS Victims): Աշխարհի տարբեր անկյուններում, նաև Հայաստանում իրականացվում են մոմավառություններ և հիշատակի այլ միջոցառումներ։

 

ՁԻԱՀ-ի պատճառով կյանքից վաղաժամ հեռացել են` երգիչ Ֆրեդի Մերկուրին, դաշնակահար Լիբերաչեն, մոդել Ջիա Կարանջին, ռեփեր Eazy-E-ին, դերասաններ Ռոք Հադսոնը, Էնթոնի Պերկինսը, բալետի արտիստ Ռուդոլֆ Նուրիևը, փիլիսոփա Միշել Ֆուկոն, գրող-ֆանտաստ Այզեկ Ազիմովը և այլ նշանավոր մարդիկ:

 

Այսօր կարևոր է ևս մեկ անգամ անդրադառնալ ՄԻԱՎ-ի դեմ պայքարին և ՄԻԱՎ-ի կանխարգելման խնդրին։

ՁԻԱՀ-ի կանխարգելման հանրապետական կենտրոնի տվյալներով` 1988թ. մինչև 2019թ ապրիլի 30-ը ՀՀ-ում գրանցվել է ՄԻԱՎ վարակի 3472 դեպք ՀՀ քաղաքացիների շրջանում, որոնցից 429-ը` 2018թ. ընթացքում: Վարարակիրների 69% տղամարդիկ են, իսկ փոխանցման հիմնական ուղին (70% դեպքերում)` հետերոսեքսուալ, այսինքն` տղամարդ-կին սեռական հարաբերություննների միջոցով:

Հակառետրովիրուսային դեղամիջոցները, ապահով (պաշտպանված) սեռական հարաբերությունների համար նախատեսված պարագաները հնարավորություն են տալիս զգալիորեն նվազեցնել ՄԻԱՎ-ի տարածումը և թույլ են տալիս նկատելիորեն բարձրացնել ՄԻԱՎ-ով ապրող անձանց կյանքի որակը: Ներկայումս, արդյունավետ բուժման և կանխարգելման ծառայությունների շնորհիվ ՁԻԱՀ-ից մահերը հնարավոր է կանխել: Իսկ ՄԻԱՎ-ից պաշտպանվելու հիմնական ուղին տեղեկացված լինելն է և անվտանգ վարքագիծ  դրսևորելը:

Եղի՛ր տեղեկացված և պաշտպանված: Մի՛ վտանգիր քո առողջությունը անապահով սեռական կապերով:

 

Դիտիր այս տեսահոլովակը ՄԻԱՎ/ՁԻԱՀ-ի մասին: Իսկ մանրամասնությունները կարդա մեր հոդվածներում: