Լավագույնը հարաբերությունների և սիրո մասին: Ռեալ ժամանակի պայմաններում:

Առողջ ապրելակերպին նվիրված միջոցառում Սարդարապատի դպրոցում

Այլ նորություններ

Ինչպե՞ս ասել «Ոչ»
Արդյոք եղե՞լ են իրավիճակներ, երբ դու ստիպված ես եղել անել մի բան, ինչը քեզ դուրեկան չէր: Օրինակ,  պատրաստվում ես դիտել տեսաֆիլմ կամ գնալ մարզասրահ, իսկ ընկերդ խնդրում է օգնել դասերի հետ: Դու ստիպված օգնում ես ընկերջոդ, բայց հոգու խորքում նեղվում ես այդ իրավիճակից: :-( «Ո′չ» ասելը շատ կարևոր է մեր անձնական սահմանները պաշտպանելու համար։ Անձնական սահմանը՝ այն տարածությունն է, որը մենք դնում ենք ուրիշների հետ ընդունելի հարաբերությունները կարգավորելիս: Դա անտեսանելի գիծ է, որը բաժանում է…
Տեղադրված է 23.01.2023 , 12:38…  ավելին →

Նոյեմբերի 29-ին Teenslive-ը և Մանկական բժիշկների հայկական ասոցիացիան հյուրընկալվեցին Սարդարապատի դպրոցում` առողջ ապրելակերպին նվիրված գեղեցիկ միջոցառման շրջանակներում:

Ուրախ երգ և պար, առողջ ապրելակերպի թեմայով պաստառների ցուցահանդես-մրցույթ, լավ տրամադրություն, և իհարկե տաղանդավոր դեռահասներ, որոնք ընտրում են առողջ ապրելակերպ 🙂 :

Առողջ սնուցումը, կանոնավոր ֆիզիկական ակտիվությունը, վնասակար սովորություններից զերծ մնալը ոչ միայն նպաստում են լավ ինքնազգացողության, այլ նաև նվազեցնում են մեծահասակների քրոնիկ հիվանդությունների զարգացման ռիսկը: Հայտնի է, որ սիրտանոթային հիվանդությունները, շաքարային դիաբետը, չարորակ ուռուցքները կազմում են մեծահասաների հիվանդացության և մահացության ամենամեծ մասնաբաժինը և շատ տարածված են Հայաստանում:

Մանկական բժիշկների հայկական ասոցիացիայի կողմից նախաձեռնած ծրագրի շրջանակներում, որի իրականացմանն օժանդակում է Ամերիկյան մանկաբուժական միությունը (NCDChild), իրագործվում է առողջ ապրելակերպի քարոզում ընտրված դպրոցների դեռահասների շրջանում, հենց իրենց` դեռահասների մասնակցությամբ:

Սարդարապատի դպրոցականների կողմից կազմակերպված միջոցառումը ցույց տվեց, որ դեռահասները հասկանում են առողջ ապրելակերպի կարևորությունը և պատրաստ են քարոզելու առողջ կենսակերպը իրենց դասընկերների և հանրության շրջանում:

 

Կեցցե՛ն մեր լավ, ակտիվ և շատ տաղանդավոր Սարդարապատցի դեռահասները: 😛

Միացե՛ք մեր ֆեյսբուքյան խմբին և կիսվեք առողջ ապրելակերպին միտված ձեր հետաքրքիր նախաձեռնություններով:

Teenslive Հայաստան, Մանկական բժիշկների հայկական ասոցիացիա և NCDChild նախաձեռնություն