Լավագույնը հարաբերությունների և սիրո մասին: Ռեալ ժամանակի պայմաններում:

Ամենաաղտոտված փողերը

Այլ նորություններ

Գեղեցկության չափանիշների մասին
Ցանկացած երիտասարդ ցանկանում է հասարակությունում ներկայանալ իր լավագույն կերպարով, և այստեղ կարևորվում է նաև արտաքին տեսքը։ Հատկապես դեռահաս աղջիկները հաճախ դժգոհում են սեփական արտաքինից և ուզում են փոփոխել որևէ բան՝ քթի կամ շրթունքների ձևը, նիհարել կամ մեծացնել/ փոքրացնել կուրծքը և այլն։ Ուղիղ մազեր ունեցողները դժգոհում են և փորձում են ոլորել կամ գանգրացնել, իսկ գանգուր մազերի դեպքում՝ ուղղել։ :-) Մարդու գեղեցկության մասին շատ է խոսվում։ Իրականում գեղեցկությունը կախված է ոչ միայն արտաքին տեսքից, այլ նաև ինքնազգացողությունից,…
Տեղադրված է 06.11.2026 , 12:46…  ավելին →

Երբևէ մտածե՞լ եք, թե որ թղթադրամների վրա ավելի երկար են պահպանվում և ավելի հեշտ փոխանցվում մանրէները:

Այս հարցի շուրջ հետազոտություններ են անցկացրել մի խումբ գիտնականներ Թուրքիայից, Նիդեռլանդներից և Գերմանիայից:

Գիտնականները մանրակրկիտ ուսումնասիրել են հարցը և պարզել, որ ամենակեղտոտ արժույթը… ռումինական լեյն է: Ռումինիայի արժույթը առաջին տեղն է գրավել պոլիմերների պատճառով ամենակեղտոտ թղթադրամների վարկանիշում (հայտնի է, որ պոլիմերներն օգտագործվում են թղթադրամների թարմության երկարատևությունն ապահովելու, ինչպես նաև կեղծումների դեմ պայքարելու համար):

Ուսումնասիրությունները ցույց են տվել, որ մանրէները երկար պահպանվում են նաև ամերիկյան և կանադական դոլարների, ինչպես նաև հնդկական ռուփիաների վրա:

 

Գիտնականների խումբն այս հայտնագործության համար արժանացել է հատուկ մրցանակի` Շնոբելյան մրցանակ (Ig Nobel Prize)` տնտեսագիտության բնագավառում 🙂 Պարգևների հանձնման արարողությունը տեղի է ունեցել օրեր առաջ Հարվարդի համալսարանում:

Ի դեպ, հետազոտության հեղինակները որպես կատակային դրամական պարգևատրում ստացել են 10 տրլն. զիմբաբվեական դոլար` մեկ անվանական արժեքով, որի շուկայական արժեքը կազմում է մոտ 40 ամերիկյան ցենտ 🙂