Լավագույնը հարաբերությունների և սիրո մասին: Ռեալ ժամանակի պայմաններում:
← Վերադառնալ "Նորություններ" բաժին

Ճարպակալման դեմ պայքարի համաշխարհային օր

Այլ նորություններ

Անվտանգ սպորտ (մաս 2)
Շարունակենք խոսել վնասվածքների կանխարգելման մասին մարզվելիս։ Եթե սահում եք սահադաշտով, սնոուբորդով, սքեյթբորդով կամ սկուտերով, կրեք հատուկ պաշտպանիչներ։ Արմունկի և դաստակի պաշտպանիչները կարող են կանխել ձեռքի և դաստակի կոտրվածքները, իսկ ծնկի պաշտպանիչները պաշտպանում են ծնկները վնասվածքներից։ Որոշ մարզաձևերում, մասնավորապես՝ կոնտակտային սպորտաձևերում, օգտագործվում են միջադիրներ։ Կան սրունքի, ծնկի, արմունկի, դաստակի, կրծքավանդակի, ուսի, կոնքի և ազդրի միջադիրներ։ Հոկեյ, ֆուտբոլ, բասկետբոլ, բեյսբոլ և այլ կոնտակտային սպորտաձևեր խաղացող տղաները պետք է հատուկ բաժակ օգտագործեն սեռական օրգանների հատվածը պաշտպանելու համար։ Բոլոր…
Տեղադրված է 03.02.2026 , 12:57…  ավելին →
Մարտի 4-ը ճարպակալման դեմ պայքարի համաշխարհային օրն է (World Obesity Day):
Առողջապահության համաշխարհային կազմակերպության Մանկական ճարպակալման համաճարակաբանական հսկողության եվրոպական նախաձեռնության (COSI) տվյալներով Հայաստանում 7-8 տարեկան երեխաների 27.7%-ն ավելորդ քաշ ունի, 12.6%-ը` ճարպակալում։ Ընդ որում, ավելորդ քաշով և ճարպակալմամբ տղաների թիվը հասնում է 30%-ի, աղջիկներինը՝ 25%-ի:
Համաձայն Հայաստանի Դպրոցականների առողջության վարքագծի հետազոտության (HBSC)՝ 11 տարեկան տղաների 31%-ը, աղջիկների 17%-ը, 13 տարեկան տղաների 27%-ը, աղջիկների 15%-ը,  15 տարեկան տղաների 25%-ը, աղջիկների 12%-ն ավելորդ քաշ կամ ճարպակալում ունի։
Ճարպակալումը բազմագործոն քրոնիկական հիվանդություն է, բնորոշվում է ճարպի կուտակումով, ինչը բերում է տարբեր առողջական խնդիրների։
Ավելորդ քաշից և ճարպակալումից խուսափելու նպատակով անհրաժեշտ է․
✅սահմանափակել հեռախոսի, համակարգչի, հեռուստացույցի և ցանկացած այլ էկրանին նայելու ժամանակը,
✅օրական առնվազն 1 ժամ լինել ֆիզիկապես ակտիվ,
✅սահմանափակել քաղցրավենիքի օգտագործումը (ավելացված շաքարը չպետք է գերազանցնի 6 թեյի գդալը օրական կտրվածքով),
✅սնվել կանոնավոր, համաձայն առողջ ափսեի սկզբունքի,
✅լինել տեղեկացված և զերծ մնալ մեծ քանակով շաքար, աղ, ճարպեր պարունակող սննդից,
✅պահպանել քնի ռեժիմը՝ դպրոցականների համար առնվազն 9 ժամ,
✅ժամանակին այցելել բժշկի, հետևել քաշին և մարմնի զանգվածի ցուցանիշին (ՄԶՑ):
Ավելին կարդա՛ այս հոդվածում։
Ներբեռնի՛ր Զվարճալի ուղեցույց ավելցուկային քաշի կանխարգելման համար։