Այլ նորություններ
«Իմ առողջությունը, Իմ իրավունքը» թվային արվեստի գործերի մրցույթ
«Առողջության համաշխարհային օր 2024» արշավի շրջանակում ԱՀԿ Հայաստանը ՀՀ առողջապահության նախարարության հետ համատեղ և ՅՈՒՆԵՍԿՕ ԿՏՏԻ TeensLIVE Հայաստան նախագծի հետ համագործակցությամբ հայտարարում է թվային արվեստի գործերի մրցույթ՝ «Իմ առողջությունը, Իմ իրավունքը» խորագրի ներքո։ Կընդունվեն 13-18 տարեկան դեռահասների այն ստեղծագործությունները, որոնք նվիրված են ստորև նշված թեմաներին․ Առողջ ապրելակերպ Հոգեկան առողջություն Առողջություն և շրջակա միջավայր Կընդունվեն հետևյալ տեսակների աշխատանքներ․ թվային նկար կոնցեպտուալ արվեստ ֆոտո-նկարչություն 2D/3D թվային նկար պիքսելային արվեստ/գրաֆիկա թվային կոլաժ Աշխատանքը ներկայացնելու պայմանները, ինչպես նաև այլ…
Տեղադրված է 29.04.2024 , 13:57…
ավելին →
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։
Այս օրը լավ առիթ է ատամների և բերանի խոռոչի հիգիենայի մասին խոսելու համար։
Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։
Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են որոշ խնդիրներ․
- 11-15 տարեկան դեռահասների խմբում միայն 47% է մաքրում ատամներն օրը մեկ անգամից հաճախ։
- 17 տարեկանների խմբում օրը մեկ անգամից հաճախ ատամները մաքրում է շուրջ կեսը (աղջիկների 57%):
- Բոլոր տարիքային խմբերում ավելի հաճախ ատամները մաքրում են աղջիկները և երևանաբնակ դեռահասները:
- Հարցմանը նախորդող տարվա ընթացքում ատամնաբույժի այցելել է դպրոցականների 47%։
- Բոլոր տարիքային խմբերում ատամնաբույժի ավելի հաճախ այցելել են աղջիկները և քաղաքաբնակ դեռահասները: Իսկ գյուղաբնակ դեռահասների շուրջ 18% «երբեք» չի այցելել ատամնաբույժի:
Համեմատելով նախորդ ուսումնասիրությունների հետ՝ 2017/2018թթ․-ի հետազոտության արդյունքները ցույց են տվել բերանի խոռոչի հիգիենիկ սովորույթների որոշ վատացում, ինչը բավական մտահոգիչ է։ 🙁
Հետևի′ր քեզ, քո առողջական վիճակին և ժամանակին այցելիր բժշկի։