Շատ անհանգստանալու կարիք չկա: Չէ՞ որ դեռահասների դաշտանային ցիկլը երբեմն անկանոն է լինում տարբեր պատճառներով. սննդի խախտում, դեղորայքի կիրառում, կլիմայի փոփոխություն, վնասակար սովորություններ, քննություններ դպրոցում, հորմոնալ փոփոխություններ կամ պարզապես սթրես: Այնուամենայնիվ, պատճառը հստակեցնելու նպատակով անհրաժեշտ է խորհրդակցել բժիշկ-գինեկոլոգի հետ:
Ընդհանուր առմամբ, դաշտանի պարբերականությունը, տևողությունն ու ծավալը կնոջ վերարտադրողական առողջության ցուցանիշ է: Սովորաբար դաշտանային ցիկլը կանոնավոր է լինում, այն տևում է 21-35 օր, իսկ դաշտանի տևողությունը կազմում է 3-7 օր:
Եթե դու երկար ժամանակ դաշտան չես տեսել, ապա քեզ անհրաժեշտ է բժշկի օգնությամբ բացահայտել պատճառը և հնարավորինս շուտ սկսել բուժումը:
Հետագայում անհրաժեշտ է առնվազն տարին 1 անգամ այցելել գինեկոլոգի՝ կանխարգելիչ զննումներ անցնելու նպատակով:
Բժշկից վախենալ կամ անհարմար զգալ հարկավոր չէ։ Բոլոր աղջիկներ և կանայք պետք է պարբերաբար հետազոտվեն, որպեսզի համոզվեն, որ ամեն ինչ կարգին է։