Լավագույնը հարաբերությունների և սիրո մասին: Ռեալ ժամանակի պայմաններում:

Ժամանակակից մասնագիտությունների շարքից` իմիջմեյքեր

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Իմիջմեյքերը (անգլերենից` պատկեր/ կերպար ստեղծող) այսօրվա պահանջված մասնագիտություններից է:

Այդ հետաքրքիր և շատ կրեատիվ մասնագիտությունը կարելի է համարել կախարդական, քանի որ այդ մասնագետը ունակ է Մոխրոտիկին դարձնել արքայադուստր` սովորեցնելով լինել գրավիչ և երջանիկ: 🙂

 

Իմիջմեյքերը մասնագետ է, ով օգնում է ձևավորել անձի գրավիչ և հիշվող կերպարը, գտնում և ի ցույց է հանում նրա դրական հատկանիշներն այնպես, որ նա դուր գա ոչ միայն ուրիշներին, այլ ինքն իրեն: Նա սովորաբար կրեատիվ, բարձր ճաշակ ունեցող և շփվող անձնավորություն է, ով պարտադիր տիրապետում է որոշ հոգեբանական հնարքներին, որ օգնում են կոտրել կարծրատիպերը, փոխել մտածելակերպը և ձևավորել դրական հոգեբանական էֆեկտ: Այդ մասնագիտությունը մոտ է ոճաբանի, իմիջ-խորհրդատուի մասնագիտություններին:

Իմիջմեյքերը կարող է աշխատել տարբեր բնագավառներում.

  • նորաձևություն` աշխատում է մոդելների, դիզայներների, կոստյումերների հետ.
  • PR և հաղորդակցման բնագավառում`աշխատում է քաղաքական գործիչների, հանրային և հայտնի մարդկանց հետ.
  • անհատական ոճաբան-իմիջմեյքերը աշխատում է սովորական մարդկանց հետ` տրամադրելով խորհրդատվություն գրավիչ ոճ և դրական կերպար ձևավորելու նպատակով: 🙂 Սովորաբար մարդիկ դիմում են այդ մասնագետի օգնությանը կարևոր հանդիպումներից առաջ կամ պատասխանատու աշխատանքի ընդունվելիս:

 

Ի դեպ, իմիջմեյքերը կարող է աշխատանք գտնել և բիզնեսում` իր գիտելիքները և հմտությունները օգտագործելով կազմակերպությունների և արտադրանքի իմիջը ձևավորելու նպատակով:

 

Դե ի՞նչ, հետաքրքրե՞ց: Ուրեմն գուցե այդ մասնագիտությունը հենց քոնն է: