Լավագույնը հարաբերությունների և սիրո մասին: Ռեալ ժամանակի պայմաններում:

Երջանկության միջազգային օր

Այլ նորություններ

Հետաքրքիր փաստեր մեր օրգանիզմի մասին
Սիրու՞մ ես բնագիտական առարկաներ` ֆիզիկա, կենսաբանություն, քիմիա: Հաստատ ձեզանից ոմանք կպատասխանեն` «ոչ» կամ «այնքան էլ չէ»: Սակայն դրանք  կարևոր են մեր օրգանիզմում, բնությունում և շրջապատող աշխարհում պարունակվող տարրերը, նյութերը և տեղի ունեցող բազմաթիվ  գործընթացները ճանաչելու և հասկանալու համար: Փորձիր դուրս գալ դպրոցական առաջադրանքների և գնահատականների շրջանակից և կհամոզվես, որ դրանք նաև չափազանց հետաքրքիր են: Ներկայացնենք մի քանի ուշագրավ փաստեր մեր օրգանիզմի մասին, որոնք կապ ունեն այս կամ այն քիմիական կամ ֆիզիկական գործընթացի հետ: Եվ այսպես.…
Տեղադրված է 03.05.2022 , 15:08…  ավելին →

Մարտի 20-ին նշվում է Երջանկության միջազգային օրը (International Day of Happiness):

ՄԱԿ-ի Գլխավոր ասամբլեան մարտի 20-ը երջանկության օր է ճանաչել 2012թ.-ին, կոչ անելով տոնել այս օրը համապատասխան կրթական-տեղեկատվական ծրագրերի միջոցով:

Տոնը նշելու առաջարկն արել է լեռնային փոքր մի երկիր՝ Բութանը, որտեղ երջանկությունը հանդիսանում է երկրի ոչ պաշտոնական պետական փիլիսոփայության հիմնաքարերից մեկը: Համարվում է, որ հենց այստեղ են բնակվում աշխարհի ամենաերջանիկ մարդիկ:

Ելնելով օրացույցում նոր տոնի ավելացումից` երկրները սկսել են հաշվի առնել այնպիսի գործոն, ինչպիսին է երջանկության մակարդակը, որովհետև միայն տնտեսական ցուցանիշները ամբողջական պատկեր չեն ապահովում, և բարձր սոցիալական կարգիվիճակը դեռ չի երաշխավորում մարդկանց լիակատար երջանկությունը:

Երջանկության որոնումը մարդկության հիմնական նպատակն է: Այդ երևույթը ուսումնասիրում են մի շարք գիտություններ՝ փիլիսոփայությունը, հոգեբանությունը, աստվածաբանությունը և այլն: Հազարամյակներ շարունակ երջանկության գաղափարը ստեղծագործելու մեծ հնարավորություններ է տվել արվեստի մարդկանց, բանաստեղծներին, երաժիշտներին, դերասաններին: Եվ, իհարկե, յուրաքանչյուր ոք, ով ապրում է ուրախություններով ու հոգսերով լի իր կյանքը, անպայման հասնում է իր մեծ կամ փոքր, բայց անկրկնելի Երջանկության 🙂

Ի դեպ, համաձայն World Happiness Report-ի՝ 2018թ.-ին ամենաերջանիկ երկիրն էր Ֆինլանդիան, իսկ Հայաստանը 129-րդ տեղում էր: