Լավագույնը հարաբերությունների և սիրո մասին: Ռեալ ժամանակի պայմաններում:

Երիտասարդների միջազգային օր

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Այսօր` օգոստոսի 12-ին ՄԱԿ-ի առաջարկով նշվում է Երիտասարդների միջազգային օրը (International Youth Day), այսինքն` քո տոնը:

 

Երիտասարդությունը կյանքի ամենաակտիվ և ամենաբեղմնավոր ժամանակն է` կրեատիվ գաղափարների, փորձարկումների և նոր մոտեցումների ժամանակաշրջան: Ճիշտ ժամանակն է գործելու. զբաղեցրո′ւ կյանքի ակտիվ դիրք և կտեսնես, որ դու իրականում ԿԱՐՈՂ ԵՍ փոխել ոչ միայն քո կյանքը, այլ նաև ուրիշների` դրական ձևով ազդելով քո ընկերների և հարազատների, քո համայնքի և քաղաքի, նույնիսկ քո երկրի կյանքի վրա:

 

2019թ.-ին օրվա խորհուրդն է «Վերափոխելով կրթությունը» (Transforming Education): Եվ սա հատկանշական է: Ժամանակակից կրթությունը վերափոխվում է` դառնալով ավելի գործնական, մասնակցային և կրեատիվ:

Երիտասարդ տարիներին դու հեշտությամբ ընկալում ես նոր տեղեկություններ, սովորում ես լեզուներ, փորձում ես քեզ տարբեր ոլորտներում և ունենում ես հետաքրքիր գաղափարներ:

Զուր մի′ վատնիր ժամանակդ, ստացիր որակյալ կրթություն քո ապագայի համար, ձեռք բեր գործնական հմտություններ և սովորիր կիրառել ստացած գիտելիքներդ: Գուցե հենց դու քո նոր գաղափարներով կփոխես ամբողջ աշխարհի ճակատագիրը 🙂 Չէ՞ որ հենց երիտասարդ տարիներին մարդիկ ունեն ուժ և եռանդ գործելու, աշխարհը փոխելու համար:

 

Ուրեմն, կրթվի′ր, սովորիր մի նոր բան և գործի՛ր: Սա հենց Քո ժամանակն է: