Լավագույնը հարաբերությունների և սիրո մասին: Ռեալ ժամանակի պայմաններում:

Թողնում ենք ծխելը

Այլ նորություններ

Նոր տեսանյութեր դեռահասների համար
Սիրելի՛ դեռահաս, Արդեն հասանելի են նոր զվարճալի տեսանյութեր դեռահասներին հուզող թեմաներով, որոնք ստեղծվել են Ջինիշյան հիշատակի հիմնադրամի կողմից, «Արաբկիր» ԲՀ-ԵԴԱԻ մասնագետների հետ համագործակցությամբ։ Տեսանյութերը նվիրված են էներգետիկ ըմպելիքներին, էլեկտրոնային ծխախոտի վտանգներին, մարմնի սահմաններին և մարմնի ընկալման հետ կապված խնդիրներին։ Համոզված ենք, որ կհավանես մեր նորաստեղծ տեսանյութերը, քեզ արդեն ծանոթ հերոսների մասնակցությամբ :-) Եղի՛ր տեղեկացված և իրազեկի՛ր նաև ընկերներիդ։   Մարմնի սահմանները Մարմնի ընկալում Էլեկտրոնային սիգարետների վտանգները Էներգետիկ ըմպելիքների վտանգները։  
Տեղադրված է 06.06.2025 , 12:28…  ավելին →

Նոյեմբերի 19-ը Ծխախոտից հրաժարվելու միջազգային օրն է:

Դեռևս 1977 թվականից ԱՄՆ քաղցկեղի ընկերության մասնագետները որոշել են նշել այս օրը յուրաքանչյուր տարվա նոյեմբերի երրորդ հինգշաբթի օրը: Իսկ բժշկական կազմակերպությունները և բուժաշխատողները սատար են կանգնել այս նախաձեռնությանը` ծխախոտի վնասակար ազդեցության վերաբերյալ հասարակությանը տեղեկացնելու և ծխախոտից կախվածությունը նվազեցնելու նպատակով:

Համաձայն ԱՀԿ տվյալների`

  • ամբողջ աշխարհում թոքերի քաղցկեղի մահվան դեպքերի 90%-ը,
  • քրոնիկական բրոնխիտների 75%-ը,
  • սրտի իշեմիկ հիվանդությունների 25%-ը պայմանավորված է ծխախոտի օգտագործմամբ:

Իսկ յուրաքանչյուր 10 վայրկյանը մեկ աշխարհում մահանում է 1 ծխող:

Նույնիսկ տեղեկացված լինելով այս ամենի մասին՝ ոչ բոլորն են շտապում ազատվել նիկոտինային կախվածությունից: Ըստ երևույթի, նրանք կամ չեն գիտակցում ծխախոտի օգտագործման վտանգի չափը, կամ էլ կարծում են, թե այդ խնդիրները իրենց չեն վերաբերում, կամ էլ վնասակար սովորությունը այնքան ուժեղ է, որ հնարավոր չէ հրաժարվել դրանից:

Այս թվերը քեզ չեն վերաբերում, չէ՞ որ դու չես ծխում: Հիանալի′ է: Այդ դեպքում փորձիր համոզել քո ընկերներին և հարազատներին ազատվել այս վնասակար սովորությունից: Նրանք ոչ միայն իրենց, այլ նաև քո և շրջապատող մարդկանց առողջությունն են վնասում` դարձնելով ձեզ պասիվ ծխողներ: Ինչպե՞ս: Կարդա այս նյութը:

Եվ ամենակարևորը, օգնի′ր ընկերոջդ այս դժվար հարցում: Երբ քեզ օգնում և աջակցում են, շատ ավելի հեշտ է, այդպես չէ՞:

Նկարը գտել ենք այստեղ: