Իսկ երբևէ մտածե՞լ ես մուլտֆիլմ ինքնուրույն ստեղծելու մասին:

Այսօր, հոկտեմբերի 28-ին ողջ աշխարհը նշում Անիմացիայի միջազգային օրը (International Animation Day):

Տոնը նշվում է մի քանի օր շարունակ, և այդ օրերի ընթացքում տարբեր քաղաքներում հարյուրավոր անիմացիոն ֆիլմեր են ցուցադրվում, գործում են էքսպերիմենտալ մուլտ-լաբորատորիաներ, որտեղ ցանկացողները կարող են իրենց ուժերը փորձել անիմացիոն ֆիլմի ստեղծման մեջ 🙂

Ինչի՞ց սկիզբ առավ անիմացիոն ֆիլմերի պատմությունը: 1892թ. հոկտեմբերի 28-ին ֆրանսիացի գյուտարար, նկարիչ Էմիլ Ռեյնոն, ով համարվում է անիմացիոն ֆիլմի հիմնադիր, Փարիզում հանդիսատեսներին հրավիրեց դիտելու «օպտիկական թատրոն»: Իր ստեղծած հատուկ սարքի՝ պրաքսինոսկոպի օգնությամբ նա ցուցադրեց շարժվող նկարներ` այսպիսով սկիզբ դնելով անիմացիոն ֆիլմերի դարաշրջանին:

Այսօր անիմացիայի տեխնիկական հնարավորությունները ուղղակի ցնցող են. լայնորեն կիրառվում է ինչպես տրադիցիոն և թվային, այնպես էլ 3D անիմացիան, Flash, Stop Motion, VFX  և այլ նորագույն տեխնոլոգիաները: