Լավագույնը հարաբերությունների և սիրո մասին: Ռեալ ժամանակի պայմաններում:

Պայքարում ենք մաքուր օդի համար

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Մենք մեր նյութերում բազմիցս ենք անդրադարձել ծխախոտից ցերծ մնալու և առհասարակ առողջ կենսակերպի առավելություններին: Հույսով ենք, որ դու կատարել ես ճիշտ ընտրություն և ազատ ես նիկոտինային կախվածությունից: 🙂

Այսօր կներկայացնենք շատ պարզ ռազմավարություն, որը կիրառելով, կարող ես զերծ մնալ ծխախոտի երկրորդային ծխի ազդեցությունից, որն ոչ պակաս վնասակար է առողջության համար: Հիշեցնենք, որ երկրորդային ծուխ է համարվում ծխող մարդկանց արտաշնչած կամ գլանակից (այլ արտադրատեսակներից) արտամղված ծուխը, իսկ այդ ծխի ազդեցության տակ գտնվողը համարվում է պասիվ ծխող:

Եվ այսպես, MAD-TEA մոտեցում, որի տարրերն են.

  • Հանդիպել “MEET” ` հանդիպեք ընկերների հետ այն վայրերում, որտեղ ծխելը արգելված է:
  • Խնդրել “ASK”` խնդրեք ընտանիքի անդամներին և հյուրերին ծխել դրսում:
  • Հայտարարել “DECLARE”` հայտարարեք, որ Ձեր տունը կամ մեքենան համարվում է ծխից ազատ գոտի։
  • Խոսել “TALK”` խոսեք ընտանիքի անդամների, դասընկերների/ աշխատանքային գործընկերների հետ` պասիվ ծխելու ռիսկերի մասին։
  • Քաջալերել “ENCOURAGE”`հորդորեք ծխողներին, ընտանիքի անդամներին, ընկերներին և գործընկերներին դադարեցնել ծխելը։
  • Պարզաբանել “ADVOCATE”` իրազեկեք համապատասխան օրենքների դրույթների մասին, ըստ որոնց` «փակ և հանրային նշանակության տարածքներում արգելվում է ծխելը»։

Վստահ եղեք Ձեր ուժերի վրա, և հաջողության կհասնեք: