Լավագույնը հարաբերությունների և սիրո մասին: Ռեալ ժամանակի պայմաններում:

Նշում ենք Հելոուինը

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

Հոկտեմբերի 31-ին մի շարք երկրներում նշվում է Հելոուինը:

Հելոուինը հեթանոսական արմատներ ունեցող տոն է, որ գալիս է հին կելտերի ժամանակաշրջանից: Տոնն ունի իր պատմությունը. 835թ. Հռոմի Պապի օրհնությամբ Կաթողիկ եկեղեցին որոշում կայացրեց «Բոլոր սրբերի տոնի» հիշատակումը կատարել նոյեմբերի 1-ին: Իսկ հոկտեմբերի 31 լույս նոյեմբերի 1-ի գիշերը սկսեց կոչվել Բոլոր սրբերի նախօրե` «All Hallow’s Eve»: Հետագայում այդ արտահայտությունը ձևափոխվեց՝ դառնալով Halloween:

Ըստ ավանդության` այդ օրը երկիր են իջնում հոգիներ, և դրանց հեռացնելու նպատակով կելտերը հագնում էին սարսափ առաջացնող հագուստներ և օգտագործում համապատասխան շպար 🙂

Այսօր շատ երկրներում Հելոուինը նշվում է բավականին մեծ շուքով. մարդիկ սարսափազդու հանդերձանք են կրում, պատրաստում կերակրատեսակներ օրվա խորհրդանիշ դդմից, վառում են մոմեր: Կախարդների, վհուկների, ուրվականների, վամպիրների, կմախքների և սատանաների տեսքերով տարբեր դիմակներ և զգեստներ կրելն այս տոնի պարտադիր պայմաններից մեկն է։ Իսկ զգեստավորված երեխաները  այցելում են տնից տուն և որպես հյուրասիրություն խնդրում են կոնֆետներ` հարցնելով՝ “Trick or treat?” (խորամանկություն, թե՞ հյուրասիրություն)։