Լավացնում ենք հիշողությունը …Պյութագորասի մեթոդով
Այլ նորություններ
Այս հետաքրքիր մեթոդի հեղինակությունը պատկանում է անտիկ փիլիսոփա և մաթեմատիկոս Պյութագորասին (Pythagoras):
Եվ այսպես, առաջարկվում է երեկոյան քնելուց առաջ մանրամասնորեն, բոլոր դետալներով և հստակ հերթականությամբ վերհիշել օրվա ընթացքում տեղի ունեցած իրադարձությունները: Անհրաժեշտ է սկսել վաղ առավոտից. ի՞նչ առաջինը նկատեցիր արթնանալուն պես, ի՞նչ արեցիր հետո, և այսպես շարունակել վերհիշել բոլոր իրադարձությունները հերաթականությամբ: Փորձիր մտաբերել բոլոր մանրամասները, թեև սկզբնական շրջանում կզգաս, որ շատ դետալներ չես հիշում 🙁 Դա նորմալ է:
Աստիճանաբար հիշողությունդ կլավանա, և բավականանին կարճ ժամանակ անց կնկատես, որ կարողանում ես վերհիշել ավելի շատ մանրամասներ օրվա իրադարձությունների մասին, ինչպես նաև դառնում ես ավելի ուշադիր տարբեր մանրուքների հանդեպ: Բացի այդ, այս մտային վարժանքի ընթացքում բավականին լարվում է ուղեղը, մարդը շուտ հոգնում է և ավելի հեշտ քնում:
Ինչևէ, մեր առօրյա կյանքում առավոտյան շատերս շտապում ենք և դժվար թե կարողանանք ժամանակ գտնել այս վարժանքի համար: Իսկ քնելուց առաջ նման վարժությունը բավականին արդյունավետ է և նաև օգտակար արագ և խորը քնելու համար: 🙂
Մասնագետները պնդում են, որ այս մեթոդի կանոնավոր օգտագործումը թույլ կտա ոչ միայն վարժեցնել ուղեղը և լավացնել հիշողությունը, այլ նաև պայքարել անքնության դեմ: